విశ్వక్ సేన్ పాగల్ చిత్రం తర్వాత ఫలక్‌నుమా దాస్ 2న?

యంగ్ హీరో విశ్వక్‌ సేన్‌ గురించి ప్రత్యేకంగా చెప్పక్కర్లేదు. మొదట అసిస్టెంట్ డైరెక్టర్‌గా ప్రారంభించి ఆ తర్వాత నటుడుగా మారాడు విశ్వక్ సేన్. టాలీవుడ్‌‌లో ఏ బ్యాక్‌గ్రౌండ్ లేకుండా వచ్చి మంచి పాపులారిటీ తెచ్చుకున్న యువ హీరోల్లో విశ్వక్ సేన్ కూడా ఒకరు. అయితే మలయాళ యాక్షన్ డ్రామా అంగమలీ డైరీస్ చిత్రం యొక్క అధికారిక రీమేక్ అయిన ఫలక్నుమా దాస్‌తో హీరోగా దర్శకుడు మరియు నిర్మాతగా మారారు విశ్వక్ సేన్. ఈ ఉదయం విశ్వక్ సేన్ తన ఇన్‌స్టాగ్రామ్‌లో ఫలక్నుమా దాస్ ముహూర్తం వేడుక సంబంధించిన ఫోటోను పంచుకున్నారు. 3 సంవత్సరాల క్రితం ఫలక్నుమాదాస్ ముహూర్తం షాట్ గుర్తుకు వచ్చి నిన్నటిలా అనిపిస్తుంది అని విశ్వక్ తన పోస్ట్‌లో రాశాడు. ఫలక్నుమా దాస్ 2 కోసం చిత్ర బృందంతో త్వరలో మళ్లీ కలుస్తాను అని నటుడు చెప్పారు. అయితే మలయాళ అంగమాలి డైరీస్ చిత్రానికి సీక్వెల్ లేదు. కానీ ఇక్కడ విశ్వాక్ ఆ కథను 2 గా ఎలా ముందుకు తీసుకెళ్తాడో చూడటం ఆసక్తికరంగా ఉంది అభిమానుందరికీ. త్వరలోనే ఈ చిత్రం గురించి మరిన్ని వివరాలు తెలియనున్నాయి. ప్రస్తుతం పాగాల్ చిత్రం విడుదలకు సంబంధించిన పనుల్లో బిజీగా ఉన్నాడు హీరో విశ్వాక్ సేన్.