షూటింగ్స్ పర్మిషన్స్ ఇచ్చిన తరవాత సెట్స్ పైకి వెళ్లే మొదటి చిత్రం వకీల్ సాబ్ అంటా

ఈ లాక్ డౌన్ కారణంగా తెలుగు చిత్ర పరిశ్రమలో అన్ని షూటింగ్స్ ఆగిపోయిన విషయం అందరికి తెలిసిందే. అయితే జూన్ 10 నుండి తిరిగి మళ్లీ షూటింగ్స్ ప్రారంభించడానికి తెలంగాణ ప్రభుత్వం అనుమతి ఇస్తుందనే ఊహాగణాలు బలంగా ఉండటంతో, పలువురు టాలీవుడ్ చిత్రనిర్మాతలు తమ రాబోయే షెడ్యూల్ ప్రణాళికతో బిజీగా ఉన్నారు. అయితే షూటింగ్స్ పర్మిషన్స్ ఇచ్చిన తరవాత మొట్ట మొదటిగా సెట్స్ పైకి వెళ్లే చిత్రం వకీల్ సాబ్ అని సమాచారం. పవన్ అభిమానులు ఎంతగానో ఎదరుచూస్తున్న పవర్‌స్టార్ పవన్ కళ్యాణ్ పున ప్రవేశం చిత్రం వకీల్ సాబ్,తిరిగి షూటింగ్‌ను ప్రారంభించిన మొదటి టాలీవుడ్ చిత్రం అవుతుంది.

ఇప్పటికే, కనీసం 70 శాతం షూట్ ను వకీల్ సాబ్ బృందం పూర్తి చేసినట్లు సమాచారం. రాబోయే షెడ్యూల్‌లో ఎక్కువగా కోర్ట్‌రూమ్ ఎపిసోడ్‌లు ఉంటాయి,కాబట్టి సెట్స్‌లో ఉన్నప్పుడు నటి నటులు అలాగే సిబ్బంది భద్రత కోసం సామాజిక దూరం పాటిస్తూ షూట్ చేయాలని చిత్రబృందం భావిస్తోంది అంటా.ఈ చిత్రానికి శ్రీరామ్ వేణు దర్శకుడు,నివేదా థామస్,అంజలి,ప్రకాష్ రాజ్ ఇతర కీలక పాత్రల్లో కనిపించనున్నారు. అలాగే ఎస్.ఎస్ తమన్ ఈ చిత్రానికి సంగీతాన్ని అందిస్తున్నాడు. దిల్ రాజు గారు ఈ చిత్రాన్ని నిర్మిస్తున్నారు.