ఈ వారం థియేటర్లో విడుదల అవుతున్న సినిమాలు ఇవే

లాక్ డౌన్ కారణంగా తెలుగు ప్రేక్షకులు థియేటర్ ఎక్స్పరిన్స్ ఫేజ్ చేసి చాలా కాలం అయ్యింది. ఇప్పుడు మళ్లీ థియేటర్లు తెరుచుకోవడంతో సిని అభిమానులు థియేటర్స్ కి బారులు తీరుతున్నారు. ముందు వారం విడుదలైన ఎస్ ఆర్ కళ్యాణమండపం అలాగే ఇష్క్ మంచి విజయాన్ని సొంతం చేసుకున్నాయి. మళ్లీ థియేటర్స్ దగ్గర సందడి మొదలు అయింది. అందులోనూ కిరణ్ అబ్బవరం నటించిన ఎస్ ఆర్ కళ్యాణమండపం సినిమాకు మంచి కలెక్షన్స్ వస్తుండటంతో టాలీవుడ్ నిర్మాతలు మళ్లీ థియేటర్లు వైపు ఆసక్తి చూపిస్తున్నారు. దాంతో కొన్ని సినిమాలు థియేటర్స్ విడుదలకు ఈ వారం సిద్ధం అయ్యాయి. మరికొన్ని సినిమాలు ఓటిటి బాట పడుతున్నాయి. తెలుగులో ఈ వారం కూడా చాలా సినిమాలు విడుదల కానున్నాయి. అందులో సునీల్, విశ్వక్ సేన్ లాంటి పెద్ద హీరోల సినిమాలు కూడా ఉన్నాయి. మరి ఈ వారం కనువిందు చేయబోయే సినిమాలేంటో చూద్దాం..

మొదటగా సునీల్ హీరోగా తెరకెక్కిన కనబడుట లేదు చిత్రం ఆగస్ట్ 13న విడుదల కాబోతుంది. అలాగే నటి పూర్ణ ముఖ్య కధానాయికగా తెరకెక్కుతున్న సుందరి చిత్రం కూడా ఆగస్ట్ 13న విడుదల అవుతుంది. అదే విధంగా సిద్ధార్థ్, జివి ప్రకాశ్ కుమార్ కలిసి నటించిన చిత్రం ఒరేయ్ బామ్మర్ది కూడా ఆగస్ట్ 13న విడుదల కానుంది. అలాగే మరో రెండు చిత్రాలు బ్రాందీ డైరీస్, ది కంజూరింగ్ దెయ్యం నా చేత చేయించింది చిత్రాలు కూడా ఆగస్ట్ 13న థియేటర్లో విడుదల కాబోతున్నాయి. అలాగే విష్వ‌క్‌సేన్ హీరోగా హిట్ చిత్రాల నిర్మాత దిల్‌రాజు స‌మ‌ర్ప‌ణ‌లో శ్రీ వెంక‌టేశ్వ‌ర క్రియేషన్స్, లక్కీ మీడియా బ్యానర్స్‌పై బెక్కెం వేణుగోపాల్ నిర్మించిన చిత్రం `పాగ‌ల్‌` చిత్రం ఆగ‌స్ట్ 14న విడుద‌ల‌వుతుంది.