థియేటర్లు ఇప్పుడప్పుడే తెరవబడవు అగ్ర నిర్మాత

ఒక ప్రముఖ న్యూస్ ఛానెల్‌కు ఇటీవల ఇచ్చిన ఇంటర్వ్యూలో ప్రముఖ నిర్మాత సురేష్ బాబు గారు తెలుగు రాష్ట్రాల్లోని థియేటర్లు ఇప్పుడపుడే తెరవబడవని స్పష్టం చేశారు. ఇటువంటి పరిస్థితుల్లో ఓటిటి మార్గాన్ని తీసుకున్నందుకు ఇష్ట పడుతున్నట్లు చెప్పారు ఓటిటి లో ఒక నిర్దిష్ట చిత్రాలను చూడటానికి ప్రేక్షకులు చాలా ఆసక్తి చూపుతున్నారని అందువల్ల చాలా మంది నిర్మాతలు అలాంటి సినిమాలను డిజిటల్ ప్లాట్‌ఫామ్‌లలో విడుదల చేయడానికి ఆసక్తి చూపుతున్నారని చెప్పారు.

చైనా అలాగే దుబాయ్ వంటి దేశాలలో థియేటర్లను తిరిగి ఓపెన్ చేసిన విషయం తెలిసిందే అని సురేష్ బాబు గుర్తుచేసుకున్నారు అలాగే వారు 2% ఆక్యుపెన్సీని చూశారు,ఆ తర్వాత వాటిని మళ్ళీ మూసివేయవలసి వచ్చింది. అలా మేము ఓపెన్ చేసి మళ్లీ వెంటనే మూసివేయడం అనుకోవటం లేదు.మేము వాస్తవానికి దీర్ఘకాలిక వ్యాపార ప్రణాళికల్లో ఉన్నాము. థియేటర్ పై వ్యాపారం నెమ్మదిగా చాలా మందికి భారం పడుతోంది.మనం ఇప్పుడు మళ్ళీ థియేటర్లను తిరిగి తెరిస్తే,మనుగడ సాగించడం కష్టమవుతుంది.మనం కూడా థియేటర్లను తిరిగి తెరిస్తే తెలుగు రాష్ట్రాల్లో కూడా చాలా ఇబ్బందులు అలాగే నష్టాలు వస్తాయి అని చెప్పారు.థియేటర్లను తిరిగి ప్రారంభించడానికి ఇంకో మూడు నెలల తర్వాత థియేటర్లు తిరిగి తెరవబడవచ్చు అని చెప్పారు. అలాగే సినిమా షూటింగ్స్ ఆగస్టు తర్వాత ప్రారంభం కావచ్చు అని చెప్పారు. ప్రస్తుతం వెంకటేష్‌తో కలిసి నారప్పను నిర్మిస్తున్నాను అని అలాగే దీనికి ఇంకా 25 రోజుల షూట్ పెండింగ్‌లో ఉంది అని చెప్పారు. ప్రతి రోజు మాకు 100 మంది పైగా సిబ్బంది అవసరం ఉంటుందని అందుకే ఇప్పుడు షూట్ చేయడం లేదని చెప్పారు.