బిగ్ బాస్ షో హోస్టింగ్ గురించి చెప్పిన రానా దగ్గుబాటి

తెలుగులో మోస్ట్ పాపులర్ రియాలిటీ గేమ్ షో బిగ్ బాస్ తెలుగు ఇప్పుడు 5 వ సీజన్ కోసం సన్నద్ధమవుతోంది. అయితే గత కొన్ని వారాలుగా సీజన్ 5కి హోస్ట్ గా ఎవరు వస్తున్నారు అనే విషయం పై ఉహాగానాలు వినిపించాయి. ముందు రెండు సీజన్లో హోస్ట్ గా చేసినా నాగార్జున గారు ఈసారి చేయటం లేదు అని రాబోయే సీజన్లో ఆతిథ్యం ఇవ్వబోయేది రానా దగ్గుబాటి అంటూ బాగానే సోషల్ మీడియాలో వినిపించాయి. మా టివీ లో బిగ్ బాస్ తెలుగు హోస్ట్‌ చేసే సందడి గురించి ప్రత్యేకంగా చెప్పనవసరం లేదు, ముఖ్యంగా నాగ్ 3 వ మరియు 4 వ సీజన్లను చాలా విజయవంతంగా నిర్వహించిన విషయం తెలిసిందే. అయితే తాజా ఇంటర్వ్యూలో, రానా చివరకు బిగ్ బాస్ హోస్ట్‌గా తను చేయడం లేదని తేల్చి చెప్పారు. తాను బిగ్ బాస్ హోస్ట్ చేయబోనని, సినిమా, ఒటిటి ప్లాట్‌ఫామ్‌లలో కథలు చేయడంలో సంతోషంగా ఉందని రానా స్పష్టం చేశారు. ప్రస్తుతం రానా త్వరలో విడుదల కానున్న పీరియడ్ డ్రామా విరాటా పర్వంలో కనిపించనున్నారు. ఇందులో సాయి పల్లవి హీరోయిన్ గా నటిస్తుంది. వేణు ఉడుగుల దర్శకత్వం వహించారు.