ప్రదీప్ హీరోగా వస్తున్న చిత్రం 30 రోజుల్లో ప్రేమించటం ఎలా విడుదలకు సిద్దమా?

ప్రస్తుతం కరోనా వ్యాప్తి అధికంగా ఉండటం వల్ల ఇప్పూడపుడే సినిమా థియేటర్లు విడుదలైయేలాగ లేవు. టాలీవుడ్ లో వస్తున్న చిన్న సినిమాలు ఒటిటి లోనే విడుదలకు సిద్ధంగా ఉన్నారు. ఇప్పుడు అదే బాటలో పాపులర్ టీవీ యాంకర్ ప్రదీప్ హీరోగా వస్తున్న మొదటి చిత్రం 30 రోజుల్లో ప్రేమించడం ఎలా, మున్నా దర్శకత్వం వహిస్తున్న ఈ చిత్రంలో బిగిల్ ఫేమ్ అమృత అయ్యర్ హీరోయిన్ గా ప్రధాన పాత్రలో నటించారు.
అయితే ఈ చిత్రాన్ని ఎలాగైనా థియేటర్ లోనే విడుదల చేయాలని ఐదు నెలలకు పైగా వేచి ఉన్న తరువాత, ఈ చిత్రం ఇప్పుడు ప్రత్యక్ష ఒటిటి విడుదలకు సిద్ధంగా ఉంది అని సమాచారం. ప్రఖ్యాత స్ట్రీమింగ్ ఛానల్ అమెజాన్ ప్రైమ్ తో ఇప్పటికే ఈ చిత్రం బృందం చర్చలు జరుపుతున్నట్లు తెలుస్తోంది. దీనికి సంబంధించి అధికారిక ప్రకటన త్వరలో వస్తుంది అని సమాచారం. ఈ చిత్రంలో నీలి నీలి ఆకాశం వీడియో సాంగ్ యూట్యూబ్ లో 168 మిలియన్ల వ్యూస్ అలాగే 1 మిలియన్ లైక్స్ సొంత చేసుకుంది. అనుప్ రూబెన్స్ ఈ చిత్రానికి సంగీతం సమకూర్చారు.