వకీల్ సాబ్ టైటిల్ కి ముందు అనుకున్న టైటిల్ ఇదే

పవర్ స్టార్ పవన్ కళ్యాణ్ దాదాపు మూడు సంవత్సరాలు తర్వాత వస్తున్న చిత్రం వకీల్ సాబ్ ఈ చిత్రం కోసం పవన్ అభిమానులు ఎంతో ఆసక్తిగా ఎదురుచూస్తున్నారు.ఇప్పటికే ఈ చిత్రంలోని మూడు పాటలు ప్రేక్షకాదరణ పొందాయి. ప్రస్తుతం ఈ చిత్ర ప్రమోషన్ కోసంసంగీత ఉత్సవాలు అలాగే మీడియా ఇంటర్వ్యూల ద్వారా ఈ చిత్రాన్ని మేకర్స్ ప్రచారం చేస్తున్నారు. లేటెస్ట్ ఇంటర్వ్యూలో దర్శకుడు శ్రీరామ్ వేణు ఈ చిత్రానికి అసలు టైటిల్ వకీల్ సాబ్ కాదని తాజా ఇంటర్వ్యూలో వెల్లడించారు. మొదట్లో ఈ చిత్రానికి మాగువా అని టైటిల్ పెట్టాలని అనుకున్నారు అంటా, కానీ పవన్ కళ్యాణ్ గారి ఇమేజ్ ని దృష్టిలో ఉంచుకుని ఈ చిత్రాన్ని వకీల్ సాబ్ గా మార్చాలని తరువాత నిర్ణయించుకున్నారు అంటా. ఈ చిత్రం మొదటి టైటిల్ సాంగ్ ‘మాగువా మాగువా’ భారీ విజయాన్ని సాధించిన విషయం తెలిసిందే. ఈ చిత్రంలో న్యాయవాదిగా పవన్ కళ్యాణ్ నటనకు దర్శకుడు ప్రశంసలు కురిపించారు. అంజలి, నివేదా థామస్, అనన్య నాగల్లా, శ్రుతి హాసన్ ప్రధాన పాత్రల్లో నటించిన వకీల్ సాబ్‌ను దిల్ రాజు, బోనీ కపూర్ సంయుక్త నిర్మాతగా చేశారు. పవన్ ఫ్యాన్ బాయ్ తమన్ సంగీతం ఈ చిత్రానికి హైలెట్ గా నిలిచింది. వకీల్ సాబ్ ఏప్రిల్ 9 న ప్రపంచ వ్యాప్తంగా విడుదలకు సిద్ధమవుతోంది.