ఆగస్ట్ 9న సర్కారు వారి పాట చిత్రం నుంచి స‌ర్‌ప్రైజ్ గిఫ్ట్ అభిమానుల కోసం

సూపర్ స్టార్ మహేష్ బాబు హీరోగా నటిస్తున్న సర్కారు వారీ పాట ప్రస్తుతం షూటింగ్ శరవేగంగా జరుగుతోంది. ఈ చిత్రం నుంచి అతని అభిమానుల కోసం మహేష్ బాబు బర్త్ డే రోజున ఈ చిత్రం నుంచి సాంగ్ కానీ టీజర్ కానీ ఒకటి విడుదల చేయబోతున్నారు అనే వార్త బాగా వినిపిస్తోంది. ఈ చిత్రం హైదరాబాద్ మరియు యుఎఇలో కొన్ని కీలకమైన షెడ్యూల్లను పూర్తి చేసుకుంది. ఈ చిత్రం వచ్చే ఏడాది సంక్రాంతి పండుగకు విడుదలకు షెడ్యూల్ చేయబడింది ఈ సినిమా పై భారీగా అంచనాలు పెరుగుతున్నాయి. ఇటీవల సోషల్ మీడియాలో ఈ చిత్ర సంగీత స్వరకర్త తమన్ అభిమానులతో జరిపిన సంభాషణలో, ఆగస్టులో ఈ చిత్రం నుండి ఒక ప్రత్యేక స‌ర్‌ప్రైజ్ ఉంటుందని వెల్లడించారు. మహేష్ పుట్టినరోజు ఆగస్టు 9న కాబట్టి ఆ రోజు ఈ చిత్ర నుంచి సాంగ్ కానీ టీజర్ కానీ ఉండవచ్చు అని అందరిలో ఆసక్తి నెలకొంది. ఈ చిత్రంలో నటి కీర్తి సురేష్ హీరోయిన్ గా నటిస్తోంది. పెట్ల పరశురాం దర్శకత్వంలో మైత్రి మూవీ మేకర్స్, జిఎంబి ఎంటర్టైన్మెంట్స్ 14 రీల్స్ ప్లస్ బ్యానర్లలో ఈ చిత్రం నిర్మించబడుతోంది.