లవ్ స్టోరీ చిత్ర బృందం సెట్‌లో కఠినమైన భద్రతా చర్య

కరోనా కారణంగా లాక్ డౌన్ తో టాలీవుడ్ లో షూటింగ్స్ అనేవి ఆగిపోయిన విషయం తెలిసిందే. అయితే ఇప్పుడు తిరిగి మళ్లీ షూటింగ్స్ అనేవి ప్రారంభం అవుతున్నాయి. తాజాగా నాగ చైతన్య , సాయి పల్లవి కథానాయకులుగా తెరకెక్కుతున్న చిత్రం లవ్ స్టోరీ. శేఖర్ కమ్ముల దర్శకత్వంలో ఈ చిత్రం షూటింగ్ ఈ రోజు జరుగుతుంది ఈ చిత్రానికి సంబంధించిన వర్కింగ్ స్టిల్స్ సోషల్ మీడియా లో హల్ చల్ చేస్తున్నాయి. హైదరాబాద్‌లో కరోనావైరస్ పాజిటివ్ కేసుల సంఖ్య విపరీతంగా పెరిగినందున, చిత్ర బృందం సెట్‌లో కఠినమైన భద్రతా చర్యలను అనుసరిస్తోంది.
లవ్ స్టోరీ చిత్ర బృందం కొవిడ్ 19 భద్రత కోసం మొదటగా స్క్రీనింగ్ టెస్ట్ లు చేసిన తరువాత సిబ్బందిని అనుమతి ఇస్తున్నారు సెట్లోకి. తక్కువ మంది సిబ్బందిని మాత్రమే నియమించారు. మొత్తం షూట్ 15 రోజుల షెడ్యూల్‌లో పూర్తి చేసే వరకు ఏ సిబ్బంది కూడా సెట్‌ను వదిలి వెళ్ళరు. షూటింగ్ సమయంలో సిబ్బందికి సామాజిక దూరం, ముసుగులు మరియు పిపిఇ కిట్లు తప్పనిసరిగా ఉండేటట్లు చూసుకుంటున్నారు ఈ చిత్ర బృందం.

నారాయణదాస్ నారంగ్ మరియు రామ్ మోహన్ రావు సంయుక్తంగా శేఖర్ కమ్ముల సహకారంతో ఎంతో ఆసక్తిగా ఎదురుచూస్తున్న ఈ చిత్రాన్ని నిర్మిస్తున్నారు.