ఆచార్య లో చిరు ఏ విధంగా ఉండబోతున్నారు

టాలీవుడ్ అగ్ర దర్శకులలో కొరటాల శివ గారు ఒకరు ఆయన చిరంజీవి గారి 152 వ చిత్రం ఆచార్య చిత్రం కోసం పని చేస్తున్నారు. ఎంతో ఆసక్తిగా ఎదురుచూస్తున్న ఈ చిత్రం ఇప్పటికే దాదాపు 40 శాతం షూట్ ని పూర్తి చేసుకుంది అలాగే లాక్డౌన్ తర్వాత కొత్త మార్గదర్శకాలను ప్రకటించిన వెంటనే తదుపరి షెడ్యూల్ తిరిగి ప్రారంభమవుతుంది.

అయితే తాజాగా ఒక మీడియా కి ఇచ్చిన ఇంటర్వ్యూలో ఆచార్య చిత్రం తన శైలికి తగ్గటుగానే – సామాజిక సమస్యలు మీద అదేవిధంగా వినోదాన్ని మిళితం చేయడం ద్వారా చిరంజీవి గారి మాస్ ఇమేజ్ ను దృష్టిలో ఉంచుకుని తగిన విధంగా ఈ మూవీ ఉండబోతుంది అని కొరటాల శివ వెల్లడించారు. నేను చిరంజీవి గారి కోసం శక్తివంతమైన పాత్రను రూపొందించాను ఇది ప్రేక్షకులలో ఖచ్చితంగా ప్రభావం చూపుతుంది అని శివ అన్నారు.

ఆచార్యలో, చిరు నక్సలైట్ గా మారిన ప్రొఫెసర్ పాత్రలో కనిపించనున్నాడు. ఈ చిత్రంలో రామ్ చరణ్ కీలక పాత్ర పోషించనున్నారు, ఇందులో కాజల్ అగర్వాల్ కథానాయికగా నటిస్తోంది. మని శర్మ సంగీతం అందించనున్నారు అదేవిధంగా రామ్ చరణ్, నిరంజన్ రెడ్డి సంయుక్తంగా ఈ చిత్రాన్ని నిర్మిస్తున్నారు.