వైల్డ్ డాగ్ సెట్స్ లో కింగ్ నాగార్జున వీడియో

లాక్ డౌన్ కారణంగా టాలీవుడ్ లో పెద్ద హీరోల షూటింగ్స్ ఆగిపోయిన విషయం తెలిసిందే. ఇప్పుడు ప్రభుత్వం ఇచ్చిన ఆదేశాలను పాటిస్తూ షూటింగులు నిర్వహిస్తున్నారు. అయితే కింగ్ నాగార్జున హీరోగా నటిస్తున్న చిత్రం వైల్డ్ డాగ్ చిత్రం షూటింగ్ సెట్స్ సంబంధించిన వీడియోను ఈ చిత్రం బృందం పంచుకున్నారు. ప్రఖ్యాత బ్యానర్, మ్యాటినీ ఎంటర్టైన్మెంట్ నాగార్జునతో కలిసి ‘వైల్డ్ డాగ్’ అనే సినిమా చేస్తున్నది అందరికీ తెలిసిన విషయమే. అహిషర్ సోలమన్ దర్శకత్వం వహించిన ఈ చిత్రం షూటింగ్ ఈ రోజు హైదరాబాద్‌లో తిరిగి ప్రారంభమైంది.

లాక్ డౌన్ నిబంధనలు తొలగించిన అనంతర చిత్రీకరణను తిరిగి ప్రారంభించడం జరిగింది. ఈ చిత్రం షూటింగ్ సమయంలో యూనిట్ ఎలాంటి భద్రతా చర్యలు తీసుకుంటుందో చూపించే వీడియోను మేకర్స్ విడుదల చేశారు. ఈ చిత్రంలో దియా మీర్జా ప్రముఖ కధానాయిక కాగా, సైయామి ఖేర్ కీలక పాత్రలో కనిపించనున్నారు.నిరంజన్ రెడ్డి, అన్వేష్ రెడ్డి నిర్మాతలుగా ఈ సినిమాకు కిరణ్ కుమార్ మాటలు అందిస్తున్నారు. ఇప్పటికే 70 శాతం షూటింగ్ జరిగింది.