ఐకాన్ స్టార్ అల్లు అర్జున్ పుష్ప చిత్రం రెండు భాగాలుగా?

ప్రస్తుతం టాలీవుడ్ లో వినిపిస్తున్న మాట అల్లు అర్జున్ సుకుమార్ కాంబినేషన్లో తెరకెక్కుతున్న భారీ బడ్జెట్ చిత్రం రెండు భాగాలుగా విభజించారు అని కొద్ది రోజులుగా ఉహాగానాలు వినిపిస్తున్నాయి. ఈ యాక్షన్ డ్రామా పుష్పా చిత్రం రెండు-భాగాల విడుదలకు సంబంధించి మేకర్స్ ఇప్పటివరకు అధికారిక ప్రకటన చేయలేదు. అయితే పుష్పా నిర్మాతలలో ఒకరైన వై రవిశంకర్ తాజా ఇంటర్వ్యూలో ధృవీకరించారు, పుష్ప సినిమా రెండు భాగాలుగా విడుదల కాబోతుంది అని పుష్ప కథ చాలా అద్భుతంగా ఉంటుందని పూర్తి కథను 2 న్నర గంటల వ్యవధిలో వివరించడం కష్టం. కాబట్టి, మేము, హీరో అలాగే దర్శకుడు చర్చించి పుష్పాను రెండు భాగాలుగా విడుదల చేయడానికి అంగీకరించాము అని చెప్పారు. మొదటి భాగాన్ని పూర్తి చేసిన తర్వాత రెండవ భాగాన్ని ప్రారంభిస్తాము అని చెప్పారు. మొదటి భాగం పూర్తి అయ్యి ఇప్పుడు రెండవ భాగంలో 10 శాతం పూర్తి చేసాము అని రవిశంకర్ వెల్లడించారు. ఈ చిత్రం మొదటి భాగం దసరా పండుగ సీజన్లో విడుదల కానుందని, రెండవ భాగం వచ్చే ఏడాది వేసవిలో తెరపైకి తీసుకురావాలని భావిస్తున్నట్లు తెలుస్తోంది. ఈ పాన్-ఇండియా యాక్షన్ డ్రామాలో మోలీవుడ్ స్టార్ ఫహద్ ఫాసిల్, రష్మిక మండన్న ప్రధాన పాత్రలు పోషిస్తున్నారు.