కబడ్డీ కోచ్‌గా గోపి చంద్ సీటీమార్ టైటిల్ సాంగ్ అదుర్స్

కోచ్‌గా వచ్చిన హీరోల సినిమాలు బాలీవుడ్ లో బాగానే ఆకట్టుకున్న సందర్బాలు అయితే ఉన్నాయి అలాగే టాలీవుడ్ లో కూడా విక్టరీ వెంకటేష్ గారు నటించిన గురూ చిత్రం కూడా బాగానే ఆకట్టుకుంది. అలాగే తమిళ్ సూపర్ స్టార్ విజయ్ నటించిన విజిల్ మూవీ అధ్బుతమైన విజయాన్ని అందుకుంది. ఇప్పుడు తెలుగులో వస్తున్న సీటీమార్ చిత్రంలో హీరో గోపి చంద్ కూడా కబడ్డీ కోచ్‌గా కనిపించనున్నారు. కొద్ది రోజుల క్రితం విడుదలైన సీటీమార్ టీజర్ సినీ ప్రేక్షకులను బాగానే ఆకట్టుకుంది. యూట్యూబ్ లో మిలియన్ల వ్యూస్ పొందింది. ఈ చిత్రం యొక్క టైటిల్ ట్రాక్ ఈ రోజు విడుదల చేసారు చిత్ర బృందం. గోదావరి జిల్లాలోని అందమైన ప్రాంతాల మీదుగా చిత్రీకరించబడిన ఈ పాట సాహిత్యం అద్భుతంగా ఉంది. కోచ్ పాత్రలో గోపీచంద్ పెర్ఫెక్ట్ గా సెట్ అయ్యారు అనిపిస్తుంది. ఈ పాటలో విజువల్స్ బాగున్నాయి. సీటిమార్ టైటిల్ ట్రాక్ ఒక స్ఫూర్తిదాయకమైన పాటగా నిలుస్తుంది. సంపత్ నంది దర్శకత్వం వహించిన సీటీమార్ ఏప్రిల్ 2 వ తేదీ విడుదల చేయడానికి సన్నాహాలు చేస్తున్నారు. తమన్నా హీరోయిన్ గా మనీశర్మ సంగీత దర్శకుడుగా వస్తున్న ఈ చిత్రాన్ని శ్రీనివాస చిత్తూరి నిర్మించారు.