కెజిఎఫ్ చాప్టర్ 3 గురించి క్లారిటీ ఇచ్చిన డైరెక్టర్ ప్రశాంత్ నీల్

బ్లాక్ బస్టర్ హిట్టయిన గ్యాంగ్ స్టర్ డ్రామా చిత్రం కెజిఎఫ్ చాప్టర్ 1 అద్భుతమైన పాన్-ఇండియన్ చిత్రంగా విజయం సాధించిన విషయం తెలిసిందే, ఇప్పుడు తిరిగి స్టార్ శాండల్ వుడ్ దర్శకుడు ప్రశాంత్ నీల్ కెజిఎఫ్ చాప్టర్ 2 కి తుది మెరుగులు దిద్దుతున్నారు. ఈ చిత్రం షూటింగ్ పూర్తి చేసుకొని రిలీజ్ డేట్ ను ఖరారు చేసేందుకు చిత్ర బృందం చూస్తుంది. అలాగే టీజర్ జనవరి 8న యష్ పుట్టినరోజు సందర్భంగా విడుదల చేస్తారు అని తెలుస్తుంది. అయితే కెజిఎఫ్ చాప్టర్ 2 కి సీక్వెల్ గురించి చాలా ఊహాగానాలు వచ్చాయి. అయితే, ఒక ప్రముఖ ఆన్‌లైన్ పోర్టల్‌కు ఇచ్చిన తాజా ఇంటర్వ్యూలో, ప్రశాంత్ నీల్ ఏమి చెప్పరంటే కెజిఎఫ్ చాప్టర్ 2 ఫ్రాంచైజీని విస్తరించే ఆలోచన లేదని స్పష్టం చేశారు.కెజిఎఫ్ చాప్టర్ 3 గురించి వస్తున్న పుకార్లను నమ్మవద్దని తెలిపారు. ఒక వేల ఫ్రాంచైజ్ ముందుకు సాగాల్సి వస్తే తాను కథపై రాజీ పడతానని, నిర్మాతలతో పాటు ఇలాంటి రాజీ పడే ఉద్దేశం తనకు లేదని ప్రశాంత్ అన్నారు.కెజిఎఫ్ చాప్టర్ 2 విడుదలైన తర్వాత ప్రశాంత్ తదుపరి ప్రాజెక్ట్ ప్రభాస్ తో చేయనున్నారు.