గాలి సంపత్ చిత్రంలో సత్య కామెడీ మరో లెవెల్ అంతే

గాలి సంపత్ చిత్రంలో కామెడియన్ సత్య, రాజేద్రప్రసాద్ గారి మధ్య ఉన్న కామెడీ అద్భుతంగా ఉంటుందని టాక్. కామెడియన్ సత్య మత్తు వదలరా చిత్రం విజయం తరువాత తన కామెడీ టైమింగ్ ను తెలుగు ప్రేక్షకులు బాగా ఎంజాయ్ చేస్తున్నారు. సత్య హీరోగా నటిస్తున్న వివాహ భోజనంబులో కూడా తన కామెడీ అద్భుతంగా ఉంటుందని సమచారం. గాలీ సంపత్ చిత్రంలో రాజేంద్ర ప్రసాద్ శ్రీ విష్ణు ప్రధాన పాత్రల్లో నటించారు. ఈ సినిమా లో సత్య పాత్ర చాలా ఉల్లాసంగా ఉంటుంది అని తెలుస్తుంది ముఖ్యంగా మొదటి భాగంలో రాజేంద్ర ప్రసాద్ మూగ వ్యక్తి పాత్రలో, సత్య తన అనువాదకుడిగా చేసిన సీన్స్ థియేటర్లో ప్రేక్షకులు కడుపుబ్బ నవ్వుకుంటారు అని సమాచారం. రాజేంద్ర ప్రసాద్ పక్కన సత్యకు పూర్తి నిడివి గల పాత్ర లభించడంతో తన స్క్రీన్ టైమ్‌ను పూర్తిగా ఉపయోగించుకున్నట్లు తెలుస్తోంది. ఈ చిత్రంలో రాజేంద్ర ప్రసాద్, శ్రీ విష్ణు, రఘు బాబు, మిర్చి కిరణ్ మరియు ఇతరులు ఉన్నప్పటికీ, సత్య కామెడి తన నటన ఈ చిత్రంలోని ప్రధాన ఆకర్షణగా ఉంటుందని టాక్. ఈ సినిమా తర్వాత అతనికి మరిన్ని పాత్రలు వస్తాయి అనడంలో ఎటువంటి అతిశయోక్తి లేదు.
డైరెక్టర్ అనిల్ రావిపూడి స‌మ‌ర్పణ‌లలో హీరో శ్రీ విష్ణు, ల‌వ్‌లీ సింగ్ హీరోహీరోయిన్లుగా రూపొందుతున్న చిత్రం గాలి సంప‌త్. న‌ట‌కిరీటి డా. రాజేంద్ర ‌ప్ర‌సాద్ టైటిల్ రోల్ పోషిస్తున్నారు. అనిల్ రావిపూడి ఈ చిత్రానికి స‌మ‌ర్పకుడిగా వ్యవ‌హ‌రించడంతో పాటు స్క్రీన్‌ప్లే, ద‌ర్శక‌త్వ ప‌ర్యవేక్షణ కూడా చేస్తుండ‌డం విశేషం. అనిల్ కో-డైరెక్టర్, రైట‌ర్, మిత్రుడు ఎస్. క్రిష్ణ నిర్మాత‌గా ఇమేజ్ స్పార్క్‌ ఎంటర్‌టైన్మెంట్ బ్యానర్‌ను స్థాపించి షైన్ స్క్రీన్స్‌తో క‌లిసి ఈ చిత్రాన్ని నిర్మిస్తున్నారు. అనీష్ దర్శకత్వంలో రూపొందుతున్న ఈ మూవీ మార్చి 11న ప్ర‌పంచ వ్యాప్తంగా విడుద‌ల‌వుతుంది.