అల్లరి నరేష్ నాంది చిత్రం షూటింగ్ గురించి అసత్య ప్రచారం

చాలా కాలం తర్వాత అల్లరి నరేష్ హీరోగా వస్తున్న చిత్రం నాంది. ఈ చిత్రం టీజర్ విడుదల అయ్యి మంచి వ్యూస్ సంపాదించుకుంది. అయితే గత కొద్ది రోజులుగా ఈ చిత్రం షూటింగ్ గురించి అసత్య ప్రచారం సోషల్ మీడియాలో రావడంతో ఈ చిత్రం యూనిట్ స్పందించారు. అల్లరి నరేష్ అభిమానులు చాలా ఆసక్తిగా ఎదురుచూస్తున్న చిత్రం నాంది. ఈ చిత్రం నరేష్ కి 57 వ ప్రాజెక్ట్ను. ఈ చిత్రంలో అల్లరి నరేష్ పాత్ర ఇంతకు ముందెన్నడూ చూడని విధంగా ఉంటుందని సమాచారం. ఈ చిత్రం లాక్ డౌన్ కు ముందు 80% షూట్ పూర్తి చేసుకుంది. ఇప్పుడు షూటింగ్స్ కు అనుమతులు వచ్చిన తరువాత కొన్ని రోజుల క్రితం, అల్యూమినియం ఫ్యాక్టరీలో తిరిగి షూటింగ్ ప్రారంభమయ్యాయి.అయితే కొంతమంది సిబ్బందికి కరోనా సోకినందున షూటింగ్ ఆగిపోయిందని వార్తలు సోషల్ మీడియా లో ఊహాగానాలు వినిపించాయి. కానీ ఈ చిత్ర మేకర్స్, సతీష్ వెగేస్నా ఇప్పుడు నాంది చిత్రం గురించి వస్తున్న పుకార్లను ఎవరిని నమ్మద్దు అని చెప్పారు. ఈ షూటింగ్ సమయంలో భారీ వర్షం కారణంగా మాత్రమే షూట్ నిలిపివేయబడింది మరేమీ లేదు అని తెలియజేశారు. మొదటి చిత్రం విజయ్ కనకమెదల దర్శకత్వం వహిస్తున్న ఈ చిత్రంలో వరలక్ష్మి శరత్‌కుమార్ కూడా కీలక పాత్రలో ఉన్నారు.