పుట్టినరోజు కానుకగా అఖండ మూవీ టీజర్ రాబోతోందా?

బోయపాటి శ్రీను దర్శకత్వంలో తెరకెక్కుతున్న భారీ బడ్జెట్ చిత్రం అఖండ టీజర్ గురించి అభిమానుల్లో ఆసక్తి నెలకుంది. నందమూరి బాలకృష్ణ గారి పుట్టిన రోజు సందర్భంగా ఈ సినిమా టీజర్ విడుదల కావచ్చు అని ఉహాగానాలు వినిపిస్తున్నాయి. అఖండ టీజర్ జూన్ 10 న ఆవిష్కరించబడుతుంది అని తెలుస్తుంది. బాలకృష్ణ గారి పుట్టిన రోజు కంటే అఖండ టీజర్‌ను విడుదల చేయడానికి ఇంతకంటే మంచి రోజు మరొకటి లేదని బోయపతి శ్రీను అభిప్రాయపడ్డారు అని తెలుస్తుంది. ఇప్పటికే టీజర్ కట్ కోసం పనులు జరుగుతున్నట్టు సమాచారం. ఈ చిత్రంలో బాలకృష్ణ ద్వి పాత్రను పోషిస్తున్నట్లు తెలుస్తోంది. ఇప్పటికే విడుదలైన టైటిల్ అనౌన్స్ మెంట్ టీజర్ యూట్యూబ్ లో ఈ చిన్న వీడియో ఇప్పటికీ 50 మిలియన్ల వ్యూస్‌ను కొల్లగొట్టి మరిన్ని వ్యూస్ తో దూసుకుపోతుంది. ఇంకా అసలైన టీజర్ జూన్ 10న విడుదల అంటే ఈ వార్త అభిమానులకు మరింత హైప్ క్రియేట్ చేస్తోంది. ప్రస్తుతం ఈ టీజర్ విడుదల తేదీపై ఇంకా ఎటువంటి అధికారిక ప్రకటన అయితే లేదు. త్వరలోనే ఈ ప్రకటనా రావచ్చు అని తెలుస్తుంది.

బోయపాటి బాలయ్య కాంబినేషన్‌లో గతంలో ‘సింహా, లెజెండ్ లాంటి బ్లాక్ బస్టర్ సినిమాల వచ్చిన సంగతి తెలిసిందే. దీంతో ఈ సినిమా తర్వాత వస్తున్న కాంబినేషన్ కావడంతో అంచనాలు కూడా భారీగానే ఉన్నాయి. మిర్యాల రవీందర్ రెడ్డి ఈ చిత్రాన్ని నిర్మిస్తున్నారు. ఈ సినిమాకు థమన్ సంగీతం అందిస్తున్నారు.