నటనలో కొత్త నటుడిని చూస్తారు చెక్ ప్రీ రిలీజ్ ఈవెంట్లో నితిన్

మన టాలీవుడ్ దర్శకులలో మరో గొప్ప దర్శకుడు చంద్రశేఖర్ యేలేటి ఐతే’, ‘అనుకోకుండా ఒక రోజు’, ‘ఒక్కడున్నాడు’, ‘ప్రయాణం’, ‘సాహసం’, ‘మనమంతా’ వంటి చిత్రాలు తీసి తెలుగు దర్శకులను ఆలోచించేటట్లు చేసే గొప్ప దర్శకుడు. తెలుగు చిత్ర పరిశ్రమతో పాటు ప్రేక్షకులు గర్వించే సినిమాలు అందించిన దర్శకుడు చంద్రశేఖర్ యేలేటి ఇప్పుడు నితిన్ హీరోగా చెక్ మూవీ తీసారు.ఫిబ్రవరి 26 న విడుదల కానున్న ఈ చిత్రం ప్రి రిలీజ్ ఈవెంట్ లో హీరో నితిన్ మాట్లాడిన మాటలు చంద్రశేఖర్ యేలేటి ఎంత గొప్ప దర్శకుడో అర్దం అవుతుంది. హీరో నితిన్ తన దర్శకుడు చంద్రశేఖర్ యెలేటికి పై ప్రశంసలు కురిపించారు. సై చిత్రం తర్వాత మళ్లీ చాలా సంవత్సరాల తరవాత చెక్ తన రెండవ క్రీడా చిత్రం అని నితిన్ చెప్పారు. చంద్రశేఖర్ యెలేటి సార్‌తో కలిసి పనిచేయడం నా అదృష్టం. చెక్ షూటింగ్ మొదటి రోజు నేను 15,16 టేక్స్ తీసుకున్నాను. నేను నా పాత నటన శైలిని ఆత్మపరిశీలన చేసుకున్నాను చెక్ కోసం కొత్త నటన శైలిని నేర్చుకున్నాను. నాకు భిన్నమైన నటనను నేర్పించినందుకు నేను యెలేటి సార్‌కు కృతజ్ఞతలు చెప్పాలి అని నితిన్ అన్నారు. రకుల్ ప్రీత్ సింగ్ మరియు ప్రియా ప్రకాష్ వారియర్ ప్రధాన పాత్రల్లో నటించిన చెక్ ను ఆనంద్ ప్రసాద్ తన బ్యానర్ భవ్యా క్రియేషన్స్ కింద నిర్మించారు. ఈ చిత్రం ఫిబ్రవరి 26 న విడుదల కానుంది.