సునీల్ డ్రీమ్ రోల్ పుష్ప చిత్రంతో తీరబోతుందా?

సుకుమార్ దర్శకత్వంలో తెరకెక్కుతున్న పుష్ప చిత్రం గురించి ఒక ఆసక్తి గల వార్త హల్ చల్ చేస్తోంది సోషల్ మీడియాలో అది ఏమిటి అంటే ఈ చిత్రంలో నటుడు సునీల్ విలన్ పాత్రలో కనిపించనున్నాడు అని ఊహాగానాలు వినిపిస్తున్నాయి. ప్రస్తుతం ఎటువంటి అధికారిక ప్రకటన అనేది లేదు కానీ ఇదే నిజమైతే ఈ చిత్రం పై మరింత ఉత్సుకతను పెంచుతుంది. ప్రస్తుతం స్టైలిష్ స్టార్ అల్లు అర్జున్ ఈ చిత్రం షూటింగ్ కోసం తూర్పు గోదావరి జిల్లాలో ని మారేడుమిల్లు ప్రాంతంలో షూటింగ్ చేస్తున్న విషయం తెలిసిందే. ఈ చిత్రం హై వోల్టేజ్ యాక్షన్ థ్రిల్లర్ గా ఉంటుందని సమాచారం, రష్మిక మండన్న హీరోయిన్ గా నటిస్తుంది. ఈ చిత్రంలో లారీ డ్రైవర్ పాత్రను అల్లు అర్జున్ చేస్తున్నారు. ఈ చిత్రంలో ప్రధాన విలన్ పాత్రలో తొమ్మిది మంది విలన్లు ఉంటారు అని ఊహాగానాలు వినిపిస్తున్నాయి. వారిలో కొందరు పేర్లు ఖరారు చేయబడ్డారు అని తెలుస్తుంది. పుష్పలో నెగిటివ్ రోల్స్ కోసం సునీల్, రావు రమేష్, ముఖేష్ రుషి లాక్ అయ్యారు అని తెలుస్తోంది. అలాగే హీరో విక్రమ్ కూడా విలన్ పాత్రలో కనిపించనున్నాడు అని ఊహాగానాలు వినిపిస్తున్నాయి. ఇతర నటులు, విలన్ల గురించి వివరాలు త్వరలో ప్రకటించబడతాయి. అల్లు అర్జున్ రెండు వారాల షూట్ పూర్తి చేసి, చిన్న విరామం కోసం తిరిగి హైదరాబాద్ చేరుకున్నాడు. మైత్రి మూవీ మేకర్స్ నిర్మాతలు పుష్పా వచ్చే ఏడాది విడుదల చేయడానికి సన్నాహాలు చేస్తున్నారు.