పని ముఖ్యమే కానీ పని కన్న ప్రాణాలు ముఖ్యం చిరు

లాక్ డౌన్ సమయంలో మెగాస్టార్ చిరంజీవి టాలీవుడ్ లోని సినీ కార్మికులు కోసం ఏర్పాటు చేసిన కరోనా క్రైసిస్ ఛారిటీ (సిసిసి) ద్వారా తెలుగు చిత్ర పరిశ్రమలోని దాదాపు 12,000 మంది సినీ కార్మికులకు రోజువారీ నిత్యావసరాలు అందించడానికి పూనుకున్నారు. ప్రస్తుతం లాక్డౌన్ ఎత్తివేయబడినప్పటికీ, ఫిల్మ్ షూటింగులు ఇంకా ప్రారంభం కాలేదు కాబట్టి రోజువారీ కూలీలందరి జీవనోపాధిని ప్రభావితం చేసింది.

ఇప్పుడు కూడా సినిమాకి సంబంధించిన షూటింగులు ఇంకా జరగకపోవడంతో సినీ కార్మికుల దుస్థితిని అర్థం చేసుకున్న చిరు, సిసిసి కమిటీ ద్వారా రెండవ సారి రోజువారీ నిత్యావసరాలను అందించాలని నిర్ణయించారు. చిరు నిన్న సోషల్ మీడియా ద్వారా ఒక వీడియోను విడుదల చేసి, అందులో చిరు ఈ విధంగా మాట్లాడారు రోజువారీ కూలీలందరికీ అన్ని రోజులు ఒకేలా ఉండవని పని ముఖ్యమే కానీ పని కన్న ప్రాణాలు ముఖ్యం అని చిత్ర పరిశ్రమ వారికి ఎప్పుడు అండగా ఉంటాం అని హామీ ఇచ్చారు. అర్హులైన సభ్యులందరికీ అవసరమైన వాటిని సరఫరా చేయాలని చిరు వివిధ సినీ సంఘాల అధిపతులను కోరారు.

Message from Megastar Chiranjeevi to daily wage cine workers regarding distribution of essential commodities through #CoronaCrisisCharity @KChiruTweets pic.twitter.com/VF6xSXpG6W

— BARaju (@baraju_SuperHit) June 18, 2020