నా వంటా నైపుణ్యాల క్రెడిట్ అంతా నా తల్లికి చెందుతుంది మెగాస్టార్ చిరంజీవి

టాలీవుడ్ సక్సెస్ఫుల్ నటుడు మెగాస్టార్ చిరంజీవి గారు ఈ మధ్య సోషల్ మీడియాలో ఎక్కువగా ఉంటున్న విషయం అందరికి తెలిసిందే అలాగే లాక్డౌన్ సమయంలో తెలుగు సినీ పరిశ్రమలో రోజువారీ కూలీలకు సహాయం చేయడంలో చాలా చురుకుగా స్పందించి సహాయం చేసారు. అయితే చిరు ఒక ప్రముఖ ఇంగ్లీష్ దినపత్రికతో ఇచ్చిన ఇటర్వ్యూలో తను ఈ లాక్డౌన్ సమయంలో తన దినచర్యను గురించి వెల్లడించాడు.

ఈ లాక్ డౌన్ సమయంలో తన ఆరోగ్యం మరియు ఫిట్‌నెస్‌పై ఎక్కువ శ్రద్ధ చూపుతున్నానని చిరు చెప్పుకొచ్చారు. చిరంజీవి గారు ప్రతి రోజూ ఉదయం 40 నిమిషాలు పాటు పని చేయడం అలాగే రోజుకు రెండుసార్లు ఈత కొట్టాడం తప్పని సరి అంటా అదేవిధంగా ఈ లాక్డౌన్ సమయంలో తోటపని, వంట పని పట్ల తనకున్న ఇష్టం గురించి చిరు చెప్పారు.

చిన్నప్పటి నుంచి చిరు తన 5 వ ఏట వంటగదిలో తన అమ్మ గారికి సహాయం చేయడం ద్వారా వంట చేయడం ప్రారంభించానాని చెప్పారు. అలా కాలక్రమేణా, నేను ఆమె నుండి అన్ని వంటకాలను నేర్చుకున్నాను అని కాబట్టి నా ఈ వంటా నైపుణ్యాల క్రెడిట్ అంతా నా తల్లికి చెందుతుంది అని మెగాస్టార్ అన్నారు, తనకు సమయం దొరికినప్పుడల్లా, అతను తనలోని చెఫ్‌ను బయటకు తెచ్చి రుచికరమైన ఉప్మా, నూడుల్స్, ఫ్రైడ్ రైస్ లేదా దోసలు తయారు చేస్తాను అని మెగాస్టార్ అన్నారు.

చిరంజీవి గారు వేసిన దోశ తిన్నా వాళ్ళు చాలా బాగుంటుందని చెప్పిన సందర్భాలు ఉన్నాయి. లేటెస్ట్ గా రాధిక శరత్ కుమార్ గారు చిరు దోశ గురించి ఒక ప్రముఖ న్యూస్ ఛానల్ లో ప్రస్తావించారు కూడా. దీని బట్టి చిరు వంటల్లో స్పెషలిస్ట్ అని చెప్పచ్చు.