మే 15న తెలుగు చిత్ర పరిశ్రమ గురించి ఒక స్పష్టత రావచ్చు

లాక్ డౌన్ కారణంగా తెలుగు చిత్ర పరిశ్రమ మొత్తం మూత పడింది అయితే ఇటీవలే, కేరళ, తమిళనాడు మరియు కర్ణాటక ప్రభుత్వాలు తమ రాష్ట్రాల్లోని చిత్రనిర్మాతలకు నిర్మాణానంతర ఫార్మాలిటీలను తిరిగి ప్రారంభించడానికి అనుమతి ఇచ్చాయి. అంటే ఎడిటింగ్, డబ్బింగ్, సౌండ్ మిక్సింగ్, విఎఫ్ఎక్స్ మరియు ఇతర పోస్ట్ ప్రొడక్షన్ పనులకు అనుమతులు మంజూరు చేసాయి. అదేవిధంగా తెలంగాణ ప్రభుత్వం కూడా అనుమతించాలని కోరారు కానీ ఇక్కడ మే29 వరకు లాక్ డౌన్ ఉండటం వల్ల అది కుదరలేదు.

మే 29 వరకు పోస్ట్ ప్రొడక్షన్ పనులు చేయవద్దని ప్రభుత్వం మూడు టిఎస్‌ఎఫ్‌డిసికి సమాచారం ఇచ్చిందని తెలంగాణ స్టేట్ ఫిల్మ్ డెవలప్‌మెంట్ కార్పొరేషన్ (టిఎస్‌ఎఫ్‌డిసి) చైర్మన్ రామ్ మోహన్ రావు చెప్పారు. అయితే, సిఎం కెసిఆర్ తన మే 15 సమీక్ష సమావేశం అనంతరం ఏమైనా మార్పులు చేస్తారని చిత్రనిర్మాతలు ఆశాభావం వ్యక్తం చేశారు. మే 15న తన సమీక్ష సమావేశం తరువాత నిర్ణయం అనేది తెలుస్తుంది.

ప్రస్తుతం కొనసాగుతున్న ఈ లాక్డౌన్ రోజువారీ వేతన చేసుకునే సినీ కార్మికులను నిరుద్యోగులుగా మార్చింది. అదేవిధంగా బారి బడ్జెట్ చిత్రాలు ఈ లాక్ డౌన్ కారణంగా నిలిచిపోయాయి. దాని వల్ల నిర్మాతలకు ఆర్థికంగా నష్టం వాటిల్లుతుంది. మే 15న ఏమి జరుగుతుందో చూడాలి మరి.