పవన్ కళ్యాణ్ పై ప్రశంసలు కురిపించిన రాజమౌళి

పవర్‌స్టార్ పవన్ కళ్యాణ్ అలాగే దర్శకుడు రాజమౌలి టాలీవుడ్‌లో ఇద్దరు పెద్ద స్టార్స్ వారి కలయికలో కనుక చిత్రం వస్తే రికార్డులు బద్దలవ్వడం ఖాయం. అయితే లేటెస్ట్ గా ఒక తెలుగు న్యూస్ ఛానెల్కు ఇచ్చిన ఇంటర్వ్యూలో, రాజమౌళి తాను గతంలో పవన్‌తో సినిమా చేయడానికి ప్రయత్నించానని, కానీ విఫలమయ్యానని చెప్పు కొచ్చారు.అదే విధంగా ప్రతి డైరెక్టర్ కి పెద్ద స్టార్స్ తో మూవీ తీయాలని వుంటుందని అదేవిధంగా స్టార్ డైరెక్టర్ తో పని చేయాలని ప్రతి హీరో అనుకుంటారు అని రాజమౌళి వెల్లడించారు.

ప్రస్తుతం పవన్ మళ్ళీ సినిమాల్లో నటిస్తున్నాడు, కానీ అతని దృక్పథం ఇప్పుడు పూర్తిగా భిన్నంగా ఉంది. అతను సామాజిక సేవపై ఎక్కువ దృష్టి పెడుతున్నాడు.ఈ సమయంలో సినిమాలకు ఎక్కువ సమయం కేటాయించలేరు. మరోవైపు, నేను సినిమా పూర్తి చేయడానికి చాలా సమయం తీసుకుంటాను. ఈ సమయంలో, పవన్ కళ్యాణ్‌తో చిత్రం ఇప్పుడు అసాధ్యంగా అనిపిస్తుంది, అని రాజమౌలి అన్నారు, ప్రజల సంక్షేమం కోసం పవన్ అద్భుతమైన వృత్తిని త్యాగం చేసి ప్రజలకు సేవ చేయడానికి రాజకీయాలోకి రావడం గురించి రాజమౌళి ప్రశంసలు కురిపించారు.