యంగ్ హీరో తేజ స‌జ్జా హీరోగా ప్రియా ప్రకాష్ వారియ‌ర్ హీరోయిన్ గా వస్తున్న తాజా చిత్రం ఇష్క్ నుంచి ఈ రోజు ట్రెయిలర్ ను విడుదల చేసారు చిత్ర బృందం. నాట్ ఎ ల‌వ్ స్టోరీ అనే ట్యాగ్‌లైన్‌ తో వస్తున్న చిత్రం ట్రైలర్ మరింత ఆసక్తి తీసుకువస్తుంది ఈ చిత్రం పై. ఈ ట్రైలర్ ప్రకారం ఈ మూవీ ఫస్ట్ హాఫ్ రొమాంటిక్ ఎంట‌ర్‌టైన‌ర్ అనే అభిప్రాయం క‌లుగుతుండ‌గా సెకండ్ హాఫ్ మాత్రం మ‌రో అభిప్రాయాన్ని క‌లిగిస్తూ ఆస‌క్తిని రేకెత్తిస్తోంది. ఈ చిత్రానికి మ‌హ‌తి స్వర సాగ‌ర్ సంగీతం స‌మ‌కూరుస్తుండ‌గా, శ్యామ్ కె. నాయుడు సినిమాటోగ్రాఫ‌ర్‌. శ్రీ‌మ‌ణి పాట‌లు రాస్తున్నారు. ఎ. వ‌ర‌ప్రసాద్ ఎడిట‌ర్‌గా, విఠ‌ల్ కొస‌నం ఆర్ట్ డైరెక్టర్‌గా వ‌ర్క్ చేస్తున్నారు. య‌స్‌.య‌స్‌.రాజు ద‌ర్శక‌త్వం వ‌హించే ఈ చిత్రానికి ఆర్‌.బి. చౌద‌రి స‌మ‌ర్పకులుగా వ్యవ‌హ‌రిస్తుండ‌గ. ఎన్వీ ప్రసాద్‌, పార‌స్ జైన్‌, వాకాడ అంజ‌న్ కుమార్ నిర్మాతలు. ఈ చిత్రం ఏప్రిల్ 23న విడుదలకు సిద్ధం అవుతోంది.
