ప్రముఖ నటుడు, బ్లాక్ బస్టర్ ప్రొడ్యూసర్ బండ్ల గణేష్ ప్రధాన పాత్రలో హీరోగా నటించబోతున్నారు. తమిళంలో అవార్డు గెలుచుకున్న క్రైమ్ థ్రిల్లర్ చిత్రం ఒత్తా సెరుప్పు సైజు 7. తెలుగు రీమేక్ కోసం బండ్ల గణేష్ ఎంపికయ్యారు. సెప్టెంబర్ మొదటి వారంలో షూటింగ్ ప్రారంభమవుతుంది. బండ్ల గణేష్ ఈ సినిమాలో కొత్త లుక్‌లో కనిపించనున్నారు. జాతీయ చలనచిత్ర అవార్డులలో ప్రత్యేక జ్యూరీ అలాగే ఉత్తమ ఆడియోగ్రఫీని గెలుచుకుంది ఒత్తా సెరుప్పు చిత్రం. ఈ చిత్రం లిమ్కా బుక్ ఆఫ్ రికార్డ్స్‌లో కూడా నిలిచింది. తెలుగు వెర్షన్‌కి వెంకట్ చంద్ర దర్శకత్వం వహిస్తున్నారు. యశ్ రిషి ఫిలిమ్స్ బ్యానర్‌పై స్వాతి చంద్ర నిర్మిస్తున్నారు.
ఓ ప్రముఖ హీరోతో పార్థీపన్ ఒత్తా సెరుప్పు సైజ్ 7 ని బాలీవుడ్‌లో కూడా రీమేక్ చేస్తున్నట్లు ఇటీవల వార్తలు వచ్చాయి.