సాయి ధరమ్ తేజ్ రిపబ్లిక్ మూవీ షూటింగ్ పూర్తి

మెగా హీరో సాయి ధరమ్ తేజ్ దర్శకుడు దేవా కట్టా దర్శకత్వంలో తెరకెక్కుతున్న చిత్రం రిపబ్లిక్ ఈ సినిమా షూటింగ్ ఫార్మాలిటీలను పూర్తి చేసుకుంది. ఈ విషయాన్ని దర్శకుడు దేవా కట్టా ట్విట్టర్‌ ద్వారా వెల్లడించారు. మొత్తం షూట్ 64 రోజుల్లో పూర్తి చేసినట్లు తెలిపారు. షూటింగ్ సమయంలో అదృష్టవశాత్తూ ఎలాంటి కోవిడ్ -19 కేసులు లేవని వెల్లడించారు.ఈ రిపబ్లిక్‌ చిత్రంలో ఐశ్వర్య రాజేష్, జగపతి బాబు, రమ్య కృష్ణ ప్రధాన పాత్రల్లో నటించారు. ఈ చిత్రం జూన్ 4 న తెరపైకి రానుంది. జె భగవాన్ ఈ ప్రాజెక్టును జెబి ఎంటర్టైన్మెంట్స్ బ్యానర్లో చేస్తున్నారు. ప్రముఖ సంగీత స్వరకర్త మణి శర్మ సౌండ్‌ట్రాక్ కంపోజ్ చేస్తున్నారు. ఈ చిత్రం పోస్ట్ ప్రొడక్షన్ పనులు త్వరలో హైదరాబాద్‌లో ప్రారంభమవుతాయి.