దర్శకధీరుడు రాజమౌళి దర్శకత్వంలో తెరకెక్కుతున్న భారీ బడ్జెట్ చిత్రం ఆర్ఆర్ఆర్ గురించి అభిమానుల్లో ఎంతో ఆసక్తి నెలకొంది. ఈ సినిమా గురించి ఏమి చెప్పిన తెలుసుకోవాలి అనే ఆత్రుత అయితే ఉంది అభిమాులందరికీ. ఎందుకంటే ఈ సినిమా భారీ అంచ‌నాలు పెంచేస్తోంది. అయితే నిన్న ఈటీవీలో వచ్చిన ఆలీ తో సరదాగా షోకి రాజమౌళి తండ్రి, ర‌చ‌యిత విజయేంద్ర ప్రసాద్ గారు రావడం జరిగింది. ఇందులో ఆలీ గారు ఆర్ఆర్ఆర్ చిత్రం మీరు చూసారా అని అడగటం జరిగింది. అయితే అయన ఈ సినిమాా చూశానని చాలా బాగా వచ్చిందని తెలిపారు.ఇందులో అలియా భట్ పాత్ర ఓ సర్ప్రైజ్ ప్యాకేజ్ అని ఆమె తెరపై కనిపించే సమయం తక్కువే అయినా ప్రతి సీన్ అద్బుతంగా ఉంటుంద‌ని చెప్పారు. ఈ మధ్య ఆర్ఆర్ఆర్ యాక్షన్ సీన్స్ గురించి సాలిడ్ అప్డేట్ ఇచ్చిన విజయేంద్ర ప్రసాద్ గారు ఇప్పుడు యంగ్ టైగర్ ఎన్టీఆర్ – మెగా పవర్ స్టార్ రామ్ చరణ్ కలిసి చేసిన ఫైట్ సీన్ చూస్తే మనకి తెలియని భావోద్వగానికి గురి అవుతాం అని చెప్పారు. ఈ చిత్రంలో ప్రతీ సీన్ అధ్బుతంగా ఉంటుందనీ ఆయన మాటల్లోనే తెలుస్తుంది. అక్టోబర్ 13విడుదల తేదీగా ప్రకటించారు కానీ లాక్ డౌన్ కారణంగా అది జరగక పోవచ్చు. కొత్త రిలీజ్ డేట్‌ అయితే ఇంకా ఫిక్స్ అవ్వలేదు. కానీ సినిమా ఎప్పుడు రిలీజ్ అయినా విడుదలైన 70 రోజుల్లోనే ఓటీటీలో స్ట్రీమ్ చేసేలా అగ్రిమెంట్ జరిగిందని సమచారం.
రామ్ చరణ్ ఎన్టీఆర్ ఫైట్ సీన్ చూస్తే తెలియని అనుభూతి?
