ప్రశాంత్ నీల్ దర్శకత్వంలో డి వి వి బ్యానర్లో మరో చిత్రం?

కెజిఎఫ్ చిత్రంతో పాన్ ఇండియన్ దర్శకుడుగా మారిన డైరెక్టర్ ప్రశాంత్ నీల్ ఇప్పుడు అతను అగ్ర దర్శకుల జాబితాలో చేరారు. ప్రస్తుతం ప్రభాస్, ఎన్.టి.ఆర్ వంటి అగ్ర హీరోలతో సినిమాలు చేస్తున్న విషయం తెలిసిందే. అలాగే మహేష్ బాబు, అల్లు అర్జున్ లతో ఆయన చర్చలు జరుపుతున్నారు అని సమాచారం. ఈ రోజు తన పుట్టినరోజు సందర్భంగా, ప్రశాంత్ నీల్ ప్రాజెక్టులపై సంతకం చేసిన అన్ని ప్రొడక్షన్ హౌస్‌ల నుండి శుభాకాంక్షలు వచ్చాయి. అదే విధంగా టాప్ ప్రొడక్షన్ హౌస్ డివివి ఎంటర్టైన్మెంట్, ఆర్ఆర్ఆర్ నిర్మాతలు ఆశ్చర్యంగా పుట్టినరోజు పోస్టర్ విడుదల చేయడం ద్వారా వీరిద్దరి కాంబినేషన్లో మరో చిత్రం తెరకెక్కబోతుంది అని తెలుస్తుంది. మా అద్భుతమైన దర్శకుడి ప్రశాంత్ నీల్ కు పుట్టినరోజు శుభాకాంక్షలు అంటూ మీ నుండి మరిన్ని బ్లాక్ బస్టర్లను చూడటానికి ఎదురుచూస్తున్నాము అని పోస్ట్ పెట్టారు. ఈ పోస్ట్ తో అభిమానుందరికీ మరింత ఆసక్తి నెలకొంది. ప్రస్తుతం ప్రశాంత్ నీల్ ఈ సంవత్సరం విడుదల కానున్న కెజిఎఫ్ చాప్టర్ 2 యొక్క పోస్ట్ ప్రొడక్షన్ పనులతో బిజీగా ఉన్నారు. ప్రభాస్ ప్రధాన పాత్రలో నటించిన సాలార్ షూట్ ను తిరిగి ప్రారంభించడానికి ఆయన సిద్ధంగా ఉన్నారు. ఈ చిత్రం వచ్చే ఏడాది వేసవిలో విడుదల అవుతుంది అని తెలుస్తుంది. దీని తరువాత, ప్రశాంత్ నీల్ ఎన్టీఆర్ దర్శకత్వం వహిస్తారు అని సమాచారం. ఈ ప్రాజెక్టును మైత్రి మూవీ మేకర్స్ మరియు ఎన్టీఆర్ ఆర్ట్స్ నిర్మిస్తాయి.