సహాయం చేస్తానని ముందుకు వచ్చిన ప్రముఖ హీరో కానీ

ప్రస్తుతం ఇండియాలో కోవిడ్ అధికంగా ఉండటంతో ఆక్షిజన్ కొరత మెడిసిన్స్, వెంటిలేటర్ దొరకక పోవడంతో రోజుకు చాలా మంది మృత్యువాత పడుతున్నారు. ఇంట్లో పెద్ద వారు పోవడంతో చాలామంది పిల్లలు అనాథలు అయిపోతున్నారు. వారికి సరైన వసతి ఆహార లేక ఇబ్బందులు పడుతున్నారు. అటువంటి వారిని ఆదుకోవడం కోసం నేను ఉన్నాను అంటూ ముందుకు వచ్చాడు ప్రముఖ టాలీవుడ్ హీరో సందీప్ కిషన్. కోవిడ్ కారణంగా కుటుంబాలను కోల్పోయిన కోవిడ్ బాధిత పిల్లలకు సహాయం చేస్తానని ముందుకు వచ్చాడు. కోవిడ్ కారణంగా బాధపడుతున్న అనాథ పిల్లలకు తాను అతని బృందం ఆహారం, ఆశ్రయం మరియు ప్రాథమిక విద్యను అందిస్తున్నట్లు సందీప్ కిషన్ ప్రకటించారు. అతను రాబోయే రెండు సంవత్సరాలు వారిని బాగా చూసుకుంటాను అని సోషల్ మీడియాలో తెలిపారు. మనుషులుగా ఒకరికొకరు సాయంగా నిలబడటం చాలా ముఖ్యం అని సందీప్ పేర్కొన్నాడు. సందీప్ చేస్తున్న ఈ మంచి పనికి తను తోడుగా ఉంటాను అని తెలిపారు ప్రముఖ సంగీత దర్శకుడు తమన్. అలాగే మరి కొంత మంది సినీ ప్రముఖులు సందీప్ కిషన్ ను అభినందిస్తున్నారు. అయితే సందీప్ పెట్టిన పోస్ట్ కు కమెట్స్ రూపంలో చాలా మంది అభినందనలు తెలిపినా ఒకరు మాత్రం చట్ట రీత్యా ఇలా చేయడం నేరం అంటూ సందీప్ కు తెలిపారు. అయితే సందీప్ వారికి సరైన సమాధానం ఇచ్చారు.