చిత్రం సినిమాకు సీక్వెల్ ‘చిత్రం 1.1’ సంగీతం గురించి చర్చ

బ్లాక్ బస్టర్ హిట్స్ కాంబో మళ్లీ రిపీట్ కాబోతున్న విషయం తెలిసిందే మళ్లీ 20 సంవత్సరాలు తరవాత ఆ కాంబో రిపీట్ అవుతుంది. సీనియర్ డైరెక్టర్ తేజ అలాగే సంగీత దర్శకుడు ఆర్ పి పట్నాయక్ వీరిద్దరి కాంబినేషన్లో తెరకెక్కుతున్న చిత్రం తేజ పుట్టినరోజు సందర్భంగా ఫిబ్రవరి 22న తన నూతన సినిమాపై ఓ అప్ డేట్ ప్రకటించిన విషయం తెలిసిందే. చిత్రం సినిమాకు సీక్వెల్. ‘చిత్రం 1.1’ అనే టైటిల్‌తో ఈ సినిమా వస్తోంది. ఈ చిత్రానికి సంబంధించి సంగీతం గురించి చర్చలు జరుపుతున్నారు దర్శకుడు తేజ రచయిత చంద్ర బోస్ అలాగే సంగీత దర్శకుడు ఆర్ పి పట్నాయక్. ఇంతకి ఎక్కడ అనుకుంటున్నారా మధ్యప్రదేశ్ అన్ పన్న టైగర్ రిజర్వు లోతైన అడవిలో ఉన్నారు ఈ ముగ్గురూ. సోషల్ మీడియా ట్విట్టర్లో సంగీత దర్శకుడు ఆర్ పి పట్నాయక్ ఈ ముగ్గురు కలిసి తీసుకున్న చిత్రాన్ని పంచుకుంటూ ఈ విషయాన్నీ తెలియజేశారు. ఈ సినిమా కోసం 45 మంది కొత్తవాళ్లను తీసుకున్నారని సమాచారం. అయితే, నటీనటులు మాత్రమే కొత్తవాళ్లు టెక్నికల్ టీమ్ లో మాత్రం కొంత మంది పాతవారే ఉండనున్నారు. ఈ కాంబోతో మరో సారి మంచి సంగీతం అందిస్తున్నారు అని తెలుస్తుంది.