బంగార్రాజు మూవీ బర్త్ డే పోస్టర్ అదిరింది

టాలీవుడ్ అందగాడు కింగ్ నాగార్జున ఈరోజు 62వ పుట్టినరోజు జరుపుకుంటున్నారు. ఈ ప్రత్యేక సందర్భంగా నాగ్ నటించబోయే తదుపరి చిత్రాల పోస్టర్స్ నిర్మాతలు విడుదల చేయడం జరుగుతుంది. సోగ్గాడే చిన్నినాయన తర్వాత అందరు ఎదురుచూస్తున్న ఫాంటసీ డ్రామా, బంగార్రాజు ఈ రోజు మేకర్స్ నాగ్ పుట్టినరోజు స్పెషల్ పోస్టర్‌తో అభిమానులను థ్రిల్ చేసారు. నాగ్ తనయుడు సహనటుడు నాగ చైతన్య ఈ రోజు మధ్యాహ్నం 12:06 గంటలకు తన ట్విట్టర్ పేజీలో పోస్టర్‌ను విడుదల చేసారు. ఈ పోస్టర్ ను అధ్బుతంగా చిత్రీకరించారు. ఈ పోస్టర్ ద్వారా సినిమా పై మరింత ఆసక్తి నెలకొంది. మనం, ప్రేమమ్ తర్వాత నాగ్ తో కలిసి నాగ్ చైతన్య స్క్రీన్ స్పేస్ పంచుకోవడం బంగార్రాజుకి ఇది మూడోసారి. అభిమానుల్లో ఈ సినిమా పై భారీ అంచనాలు ఉన్నాయని ప్రత్యేకంగా చెప్పనవసరం లేదు. ఈ చిత్రం 2022 సంక్రాంతికి విడుదల కానుంది. కళ్యాణ్ కృష్ణ దర్శకత్వం వహించిన ఈ చిత్రంలో రమ్య కృష్ణ మరియు కృతి శెట్టి హీరోయిన్లుగా నటించారు. సోగ్గాడే చిన్ని నాయనాలోని బంగార్రాజు పాత్రకు అభిమానుందరు ఫిదా అయిపోయారు. ఈ క్రేజీ ప్రాజెక్ట్‌ను నాగ్ స్వయంగా చేస్తున్నాడు.