దివ్యాంగుల డ్యాన్స్ షో కోసం రామ్ చరణ్ ప్రత్యేక వీడియో

హీరో రామ్ చరణ్ భార్య ఉపాసన కొణిదెల గారి గురించి ప్రత్యేకంగా చెప్పాల్సిన అవసరం లేదు. ఓ వైపు సక్సెస్‌ఫుల్‌ బిజినెస్‌వుమెన్‌గా కొనసాగుతూనే మరోవైపు ఎన్నో సేవా కార్యక్రమాలు చేస్తూ ఉంటారు.
ఉపాసన కొణిదెల ఏమి చేసినా ఒక ప్రత్యేకత ఉంటుంది అనడంలో ఎలాంటి అతిశయోక్తి లేదు ఉపసనా తన యువర్ లైఫ్.కో.ఇన్ చొరవలో భాగంగా ఫిజికల్ ఛాలెంజ్డ్ డ్యాన్సర్ల కోసం ఒక ప్రత్యేకమైన డ్యాన్స్ షోను ప్రకటించింది. ఆన్‌లైన్ షోను స్టార్ కొరియోగ్రాఫర్స్ ప్రభుదేవా, ఫరా ఖాన్ అలాగే రామ్ చరణ్ స్వయంగా నిర్వహిస్తారు. ఈ రోజు రామ్ చరణ్ ఇన్‌స్టాగ్రామ్‌ ద్వారా ఒక ప్రత్యేక వీడియోను విడుదల చేశారు, దివ్యంగ్ సోదరులందరూ తమ డ్యాన్స్ ఎంట్రీలను అక్టోబర్ 15 లోపు పంపమని విజ్ఞప్తి చేశారు. చరణ్ కూడా తాను ఇప్పటికే రెండు ఎంట్రీలను చూశానని, ప్రతిభావంతులైన నృత్యకారులు బాగా ఆకట్టుకున్నారు అని చెప్పారు. డాన్స్ తనకు చాలా ఇష్టమని తెలిపారు. వీరు పెట్టిన ఫిజికల్ ఛాలెంజ్డ్ డాన్స్ షో పోల్గొడనికి www.urlife.co.in , లోకి లాగిన్ అయ్యి వారు పేర్లు నమోదు చేసుకోవాలి అని కోరారు.