పవన్ కళ్యాణ్ విడుదల చేసిన శశి మూవీ ట్రైలర్

డైలాగ్ కింగ్ సాయికుమార్ కుమారుడు ఆది హీరోగా నటిస్తున్న’శ‌శి’ సినిమా ట్రైల‌ర్‌ను ప‌వ‌ర్ స్టార్ ప‌వ‌న్ క‌ల్యాణ్ చేతులు మీదగా ఈ రోజు విడుద‌ల చేశారు. టాలీవుడ్లో ట్రైలర్ లను ప్రముఖులు చేత విడుదల చేయడం అనేది ఆనవాయితీగా వస్తుంది. శశి చిత్రంలో ఆది సరసన సుర‌భి, రాశీసింగ్ హీరోయిన్లుగా న‌టిస్తున్నారు. ఈ లవ్ అండ్ యాక్షన్ ఎంటర్టైనర్ గా తెరకెక్కుతున్న ఈ చిత్రాన్ని కొత్త దర్శకుడు శ్రీనివాస్ నాయుడు నడికట్ల తెరకెక్కిస్తున్నాడు. రాజీవ్ కనకాల, అజయ్ ఇతర ముఖ్య పాత్రల్లో న‌టిస్తున్నారు. ఈ సినిమాను శ్రీ హ‌నుమాన్ మూవీ మేక‌ర్స్ ప‌తాకంపై ఆర్పీ వ‌ర్మ‌, సి. రామాంజ‌నేయులు, చింత‌ల‌పూడి శ్రీ‌నివాసరావు నిర్మిస్తున్నారు. ఈ నెల 19న ఈ సినిమా ప్రేక్ష‌కుల ముందుకు రాబోతోంది. ఈ సినిమాలోని ‘ఒకే ఒక లోకం’ పాట భారీ మిలియన్స్ వ్యూస్ తో దూసుకుపోతున్న విషయం తెలిసిందే.