మెగా హీరో వైష్ణవ్‌ తేజ్‌ కథానాయకుడిగా, రకుల్‌ప్రీత్‌ సింగ్‌ హీరోయిన్ గా ఫస్ట్‌ ఫ్రేమ్‌ ఎంటర్‌టైన్‌మెంట్స్‌ పతాకంపై జాగర్లమూడి క్రిష్ దర్శకత్వంలో తెరకెక్కిన చిత్రం ‘కొండపొలం’. ఈ చిత్రాన్ని సాయిబాబు జాగర్లమూడి, రాజీవ్‌రెడ్డి నిర్మించారు. సన్నపురెడ్డి వెంకటరామిరెడ్డి రాసిన కొండపొలం నవల ఆధారంగా రూపొందిన ఈ చిత్రం, అక్టోబరు 8న ప్రేక్షకుల ముందుకొస్తోంది. నిన్న రకుల్ ప్రీత్ పాత్రను తెలియజేస్తూ ‘ఒబులమ్మ’ పాటను విడుదల చేయడం జరిగింది ఈ పాటకు యూట్యూబ్లో మంచి రెస్పాన్స్ వస్తోంది. ఈ పాట 1 మిలియన్ వ్యూస్ కి చేరుకుంది. ఈ పాటకు కీరవాణి మ్యూజిక్ అందించారు. ఇందులో ఓబులమ్మ అనే పల్లెటూరి అమ్మాయిగా రకుల్‌ప్రీత్‌ సింగ్‌ నటించింది. వైష్ణవ్‌, రకుల్ జోడి అదిరింది అంటూ కామెంట్స్ రూపంలో తెలియజేస్తున్నారు అభిమానులు. ఈ జోడీ తెరపై ఓ కొత్త అనుభూతిని పంచుతుందని ఈ పాట చుస్తే తెలుస్తోంది.
