యంగ్ హీరో కిరణ్ అబ్బవరం రాజావారు రాణిగారు సినిమాతో తెలుగు తెరకు పరిచయమైన ఈ యంగ్ హీరో మొదటి సినిమాతోనే మంచి గుర్తింపు తెచ్చుకున్నారు. ఆ తర్వాత వచ్చిన ఎస్ఆర్ కళ్యాణ మండపం సినిమా మంచి విజయాన్ని సొంతం చేసుకుంది. ఇప్పుడు మరోసారి రొమాంటిక్ ఎంటర్‌టైనర్‌గా గోపీనాథ్ రెడ్డి దర్శకత్వంలో ఈ యువ నటుడు రొమాంటిక్ మ్యూజికల్ ఎంటర్‌టైనర్ సమ్మతమే చిత్రంతో మళ్ళి తిరిగి వస్తున్నారు. చాందిని చౌదరి కధానాయికగా నటిస్తుంది. ఈ రోజు చిత్ర నిర్మాతలు ఈ చిత్రం యొక్క మొదటి గ్లింప్స్ వీడియోను విడుదల చేశారు. ఈ సమ్మతమే చిత్రంలో, కిరణ్ అబ్బవరం ఒక కూల్ గా ఉండే యువకుడి పాత్రలో నటించాడు, అతను తన సహోద్యోగి చాందిని చౌదరిని ప్రేమిస్తాడు అని తెలుస్తుంది. ఈ గ్లింప్స్ వీడియోలో కొన్ని చక్కని విజువల్స్ మరియు ఆహ్లాదకరమైన బ్యాక్‌గ్రౌండ్ స్కోర్ ఉన్నాయి. సమ్మథమే చిత్రం గురించి మరిన్ని వివరాలు త్వరలో తెలియనున్నాయి. యుజి ప్రొడక్షన్స్ బ్యానర్‌పై కంకణాల ప్రవీణ ఈ ప్రాజెక్ట్‌ను నిర్మిస్తోంది.
