ఈసారి మా ఎలక్షన్స్ ఎంతో ఆసక్తిగా ఉండబోతున్నాయి

మూవీ ఆర్టిస్ట్ అసోసియేషన్ మా ఎన్నికలు జరిగినప్పుడల్లా సోషల్ మీడియా లో కానీ న్యూస్ ఛానల్ లో కానీ ఆసక్తి పెరుగతోంది అనడంలో ఎటువంటి అతిశయోక్తి లేదు. గతంలో ఎన్నికలు జరిగినప్పుడు కూడా ఉత్కంఠత అయితే క్రియేట్ అయ్యింది. ఈసారి మా ప్రెసిడెంట్ పదవికి పోటీగా ఉన్న ప్రముఖ పేర్లు ప్రకాష్ రాజ్ అలాగే విష్ణు మంచు అని తెలుస్తుంది. తాజా ఇంటర్వ్యూలో ప్రకాష్ రాజ్ ఈ ఏడాది మా ఎన్నికల్లో పోటీ చేయనున్నట్లు ధృవీకరించారు. తను కానీ ఎన్నికైనట్లయితే మా అసోసియేషన్‌కు దేశవ్యాప్తంగా ఖ్యాతిని తెచ్చేందుకు కృషి చేస్తామని చెప్పారు. మా కోసం సొంత భవనం నిర్మిస్తామని హామీ కూడా ఇచ్చారు. మరోవైపు, హీరో విష్ణు మంచు అధ్యక్ష పదవికి తన పోటీని త్వరలో ప్రకటించనున్నారు అని తెలుస్తుంది. ఈ రోజు మోహన్ బాబు గారు అలాగే మంచు విష్ణు ఇద్దరు సూపర్ స్టార్ కృష్ణ గారిని కలవడం కూడా జరిగింది. త్వరలోనే విష్ణు కూడా పోటీ చేయనున్నట్లు ప్రకటించవచ్చు. చూడాలి ఈ సారి మా ఎలక్షన్స్ లో ప్రెసిడెంట్ గా ఎవరు విజయం సాధిస్తారో మరి.