ఆచార్య చిత్రం కోసం నిర్మించిన అద్భుతమైన టెంపుల్‌ సెట్

మెగాస్టార్ చిరంజీవి గారు సోషల్ మీడియా ట్విట్టర్ లో ఆక్టివ్ గా ఉంటారు అనడంలో ఎటువంటి అతిశయోక్తి లేదు. ఎందుకంటే ఎవరినైనా అభినదించడంలో కానీ తనకి నచ్చిన విషయాన్ని నలుగురికి తెలియచేయాలి అనే ఉద్దేశంతో ఉంటారు అని అందరికి తెలిసిందే. ఇప్పుడు చిరంజీవి గారు నటిస్తున్న ఆచార్య చిత్రానికి సంబంధించిన ఒక విషయాన్ని పంచుకున్నారు. హైదరాబాద్ నగర శివార్లలో ఆచార్య చిత్రం కోసం ఒక భారీ ఆలయ సెట్ నిర్మించబడింది. ఈ చిత్రం యొక్క ముఖ్యమైన భాగాలు ఇక్కడ చిత్రీకరించబడుతున్నాయి. మెగాస్టార్ చిరంజీవి తన అధికారిక సోషల్ మీడియా ట్విట్టర్ లో ఆచార్య సెట్ కి సంబందించిన వీడియోను విడుదల చేసారు. 20 ఎకరాలలో విస్తరించి ఉన్న ప్రదేశంలో ఈ భారీ ఆలయ సెట్ వేశారు. ఈ వాస్తుశిల్పం నిజమైన హిందూ దేవాలయాన్ని గుర్తు చేసే విధంగా ఉండటంతో అందరు అద్బుతం అంటున్నారు సోషల్ మీడియా కమెట్స్ రూపంలో. ఈ సినిమా భారీ బడ్జెట్ తో తెరకెక్కుతున్నట్లు తెలిసిందే. ఈ భారీ సెట్ కోసం అధిక మొత్తం కేటాయించారు అని సమాచారం. చిరంజీవి, సోను సూద్ కలిసి ప్రస్తుతం సెట్లో షూటింగ్ జరుపుకుంటున్నారు, రామ్ చరణ్ సంక్రాంతి తర్వాత ఆచార్య సెట్స్‌లో చేరనున్నారు. కాజల్ హీరోయిన్, మనిశర్మ సంగీత దర్శకుడుగా చేస్తున్నారు. మ్యాటినీ ఎంటర్టైన్మెంట్స్ చరణ్ కలిసి నిర్మించిన ఆచార్య మే 2021 విడుదలను లక్ష్యంగా ఎంచుకుని సరా వేగంగా షూటింగ్ జరుపుకుంటుంది.