రౌడీ బాయ్స్ చిత్రం యూత్ కి బాగా నచ్చుతుంది – దిల్ రాజు

టాలీవుడ్ అగ్ర నిర్మాతలో ఒకరైన దిల్ రాజు గారు తెలుగు చిత్ర పరిశ్రమకు ఎన్నో గొప్ప చిత్రాలు అందించారు. ఇప్పటి వరకు చాలా మంది హీరోలకు గుర్తుండిపోయే విజయాలు అందించాడు. ఇప్పుడు తన కుటుంబం నుంచి వారసుడిని తీసుకొస్తున్నాడు. తన తమ్ముడు శిరీష కొడుకును హీరోగా లాంఛ్ చేస్తున్నారు. నిన్న జరిగిన ఫస్ట్ లుక్ లాంచ్ వేడుకలో ఈ సినిమా గురించి మాట్లాడుతూ ఈ చిత్రం యూత్ కి బాగా నచ్చుతుంది అని చెప్పారు. ఈ సినిమా ఫ్యామిలీ తో కలిసి చూసే చిత్రం కాదని అన్నారు. ఆ సినిమా పేరు రౌడీ బాయ్స్ గా పెట్టడం జరిగింది. పక్కా మాస్ కమర్షియల్ ఎంటర్‌టైనర్‌గా ఈ సినిమా వస్తుంది. ఆశీష్‌ రెడ్డిని హీరోగా ప‌రిచ‌యం చేస్తూ నిన్న ఫస్ట్ లుక్ అలాగే మోషన్ పోస్టర్ విడుదల చేసారు. ఈ చిత్రంలో అనుపమ పరమేశ్వరన్ హీరోయిన్ గా నటిస్తుంది. ఈ సినిమా షూటింగ్ కూడా పూర్తయింది. త్వరలోనే విడుదల తేదీని ప్రకటిస్తారు అని తెలుస్తుంది.