అర్జున్ రెడ్డి చిత్రంతో దర్శకుడు సందీప్ రెడ్డి వంగా తెలుగు ప్రేక్షకులను మరో కొత్త జోనర్లో కి తీసుకువెళ్ళారు. 2017 ఆగస్ట్ 25 వచ్చిన ఈ చిత్రం బాక్స్ ఆఫీసు దగ్గర కలెక్షన్స్ పరంగా అదుర్స్ అనిపించింది. అయితే ప్రతీ సినీ ప్రేక్షకుడు మళ్లీ ఈ ఇద్దరి కాంబనేషన్లో మరో చిత్రం వస్తే బాగుండును అనిపిస్తుంది. ఇప్పుడు అదే కాంబినేషన్ మరో సారి రిపీట్ కాబోతుంది అనే వార్త వినిపిస్తోంది. ఉప్పెన ప్రీ రిలీజ్ ఫంక్షన్ కి వచ్చిన దర్శకుడు సందీప్ వంగా అప్పటినుంచి ఈ వార్త వినిపిస్తోంది. మైత్రి మూవీ మేకర్స్ ప్రొడక్షన్ హౌస్ సందీప్ వంగాతో చర్చలు జరుపుతోంది అనే ఊహాగానాలు వినిపిస్తున్నాయి. వారు గతంలో విజయ్ దేవరకొండతో కలిసి ప్రధాన పాత్రలో ఒక చిత్రాన్ని నిర్మించారు. అలాగే విజయ్ కూడా మైత్రి కి మరో రెండు చిత్రాలకు కట్టుబడి ఉన్నాడు అని తెలుస్తుంది. అయితే సందీప్ వంగా, విజయ్ దేవరకొండ ఇటీవల కలుసుకున్నారు అని వారు స్క్రిప్ట్ గురించి చర్చించారు అని ఈ ప్రాజెక్ట్ గురించి విజయ్ చాలా సానుకూలంగా ఉన్నాడు అని ఇది వచ్చే ఏడాది రోల్ అవుతుందని వినిపిస్తోంది. మైత్రి మూవీ మేకర్స్ ఈ చిత్రాన్ని నిర్మించనున్నారు అని తెలుస్తుంది. ప్రస్తుతం సందీప్ వంగా యానిమల్ లో రణబీర్ కపూర్ చిత్రానికి దర్శకత్వం వహించనున్నారు. అలాగే విజయ్ దేవరకొండ కూడా లైగర్ తో బిజీగా ఉన్నాడు. ప్రస్తుతం వీరిద్దరూ తమ ప్రస్తుత ప్రాజెక్టులను పూర్తి చేసిన తర్వాత అర్జున్ రెడ్డి కాంబో మళ్లీ మైత్రి మూవీ మేకర్స్ ప్రొడక్షన్ హౌస్ లో జరుగుతుంది అనే వార్త బాగా వినిపిస్తోంది.
విజయ్ దేవరకొండ సందీప్ రెడ్డి వంగా మైత్రి మూవీ మేకర్స్?
