నాగ చైతన్య చిత్రంలో ముగ్గురు హీరోయిన్స్ అంటా?

యంగ్ హీరో అక్కినేని నాగ చైతన్య తాజా చిత్రం లవ్ స్టోరీ షూటింగ్ చివరి దశలో ఉంది. ఈ చిత్రం వచ్చే ఏడాది విడుదల కానుంది. నాగ చైతన్య తన తదుపరి చిత్రం థ్యాంక్ యు డిసెంబర్ నుండి సెట్లలో చేరనున్నారు. మనం ఫేమ్ విక్రమ్ కుమార్ ఈ చిత్రానికి దర్శకత్వం వహిస్తున్నారు. ఈ చిత్రంలో ముగ్గురు ప్రముఖ కథానాయికలు కీలక పాత్రలు పోషిస్తున్నారు.అందులో రకుల్ ప్రీత్ సింగ్ ఒక పాత్ర కోసం చర్చలు జరుగుతున్నాయి ఇంకా అధికారికంగా ప్రకటించలేదు. అయితే గ్యాంగ్ లీడర్ ఫేమ్ ప్రియాంక అరుల్ మోహన్ ఇతర పాత్ర కోసం లాక్ చేయబడ్డారు అని తెలుస్తుంది. ఈ చిత్రం కోసం మూడవ హీరోయిన్ పేరు త్వరలో ఖరారు కానుంది. బ్యాక్ టు బ్యాక్ పరాజయాలను రుచి చూసిన విక్రమ్ కుమార్ ఈ స్క్రిప్ట్‌ కోసం ఎక్కువ సమయం పనిచేశాడు. ఈ చిత్రం షూట్ కోసం సన్నద్ధమవుతున్నాడు. దిల్ రాజు నిర్మాతగా ఈ చిత్రం 2021 విడుదల అవుతుంది అని సమాచారం.