శేఖర్ కమ్ముల దర్శకత్వంలో ధనుష్ హీరోగా మూవీ

ఈ రోజు ఓ ఆసక్తికరమైన క్రేజీ మూవీ ప్రాజెక్ట్ శ్రీకారం చుట్టుకుంది. అదే శేఖర్ కమ్ముల దర్శకత్వంలో ధనుష్ హీరోగా మూవీ. ఇది ఖచ్చితంగా ప్రతీ అభిమాని కోరుకునే కాంబినేషన్ ఇద్దరు జాతీయ అవార్డు గ్రహీతలు ఇటు టాలీవుడ్ నుంచి దర్శకుడు శేఖర్ కమ్ముల అలాగే కోలీవుడ్ స్టార్ ధనుష్ వీరిద్దరి కాంబినేషన్లో రూపొందుతున్న ఈ సినిమా పాన్ ఇండియన్ చిత్రంగా తెరకెక్కబోతుంది. ఈ క్రేజీ ప్రాజెక్ట్ గురించి ఈరోజు అధికారిక ప్రకటన చేశారు. ఈ చిత్రం త్రిభాషాగా ఉంటుంది అని ఇది ఏకకాలంలో తెలుగు, తమిళం మరియు హిందీ భాషలలో చిత్రీకరించబడుతుంది. ప్రముఖ టాలీవుడ్ నిర్మాతలు నారాయణ్ దాస్ నారంగ్, పుస్కూర్ రామ్ మోహన్ రావు సంయుక్తంగా ఈ ప్రాజెక్టును ఎస్‌విసిఎల్‌ఎల్‌పి బ్యానర్‌లో చేస్తున్నారు. ప్రాజెక్ట్ గురించి మరిన్ని వివరాలు త్వరలోనే తెలియనున్నాయి.మిగిలిన స్టార్ తారాగణం మరియు సాంకేతిక బృందాన్ని త్వరలో ప్రకటిస్తారు. ఈ సంవత్సరంలోనే ఈ క్రేజీ ప్రాజెక్ట్ సెట్స్ పైకి వెళ్తుంది అని తెలుస్తుంది.