సూపర్ స్టార్ మహేష్ బాబు అంటే ఇష్టపడని వారు అంటూ ఎవరు ఉండరు. ఆయన ప్రస్తుతం సర్కారు వారి పాట చిత్రంలో నటిస్తున్నారు. ఇంతకీ విషయం ఏమిటి అంటే శర్వానంద్ హీరోగా వస్తున్న శ్రీకారం చిత్రం టీజర్ రేపు సాయంత్రం 4:05 కి సూపర్ స్టార్ మహేష్ బాబు చేతులు మీదగా విడుదల కాబోతుంది. జనవరిలో విడుదలైన ఈ చిత్రం యొక్క ఫస్ట్ లుక్ పోస్టర్ నుంచి శర్వా అభిమానులలో భారీగా అంచనాలు నెలకొన్నాయి. బి కిషోర్ అనే కొత్త దర్శకుడు డైరెక్ట్ చేస్తోన్న ఈ సినిమాలో శర్వానంద్ బాగా చదువుకున్న ఓ రైతు పాత్రలో నటిస్తున్నాడు.
మిక్కీ జే మేయర్ మ్యూజిక్ కంపోజ్ చేసిన భలేగుంది బాలా, సందళ్లే సందళ్లే అనే రెండు పాటలు విడుదలయ్యాయి. మంచి ఆధరణ కూడా లభించింది. రామ్ ఆచంట, గోపీ ఆచంట సంయుక్తంగా నిర్మిస్తున్న శ్రీకారం సినిమాలో శర్వానంద్ సరసన ప్రియాంక మోహన్ జంటగా నటిస్తోంది.