నటి సమంత చేతిలో శాకుంతలం మూవీ స్క్రీన్ ప్లే స్క్రిప్ట్

గుణశేఖర్ దర్శకత్వంలో తెరకెక్కుతున్న భారీ బడ్జెట్ చిత్రం శాకుంతలం ఈ చిత్రాన్ని ప్యాన్‌ ఇండియా మూవీగా ప్రకటించిన విషయం తెలిసిందే. ఈ సినిమాలో అందాల నటి సమంత హీరోయిన్ గా నటిస్తుంది. మహాభారత గాథలోని ఆదిపర్వం నందు గల శకుంతల – దుష్యంత మహారాజు ప్రేమ కథ ఆధారంగా ఈ చిత్రం తెరకెక్కనుంది. అయితే ఈ చిత్రానికి సంబంధించిన స్క్రీన్ ప్లే స్క్రిప్ట్ సమంతా చేతికి వచ్చినట్లు తన సోషల్ మీడియా ఇన్స్తా గ్రామ్ స్టేటస్ లో పెట్టారు. తాజా అప్‌డేట్ ప్రకారం, మార్చి 20 నుంచి హైదరాబాద్‌లో సమంత శాకుంతలం సెట్స్‌లో చేరి షూట్ ప్రారంభిస్తుంది.ఈ సినిమాను గుణ శేఖర్ తన స్వంత బ్యానర్ గుణ టీమ్ వర్క్స్ పతాకంపై నిర్మిస్తున్నారు. ఈ చిత్రానికి మణిశర్మ సంగీతం అందిస్తున్నారు.