ఆగస్టు 1 న ఆర్‌ఆర్‌ఆర్ చిత్రం నుంచి మొదటి సాంగ్

రాజమౌళి దర్శకత్వంలో తెరకెక్కుతున్న భారీ బడ్జెట్ చిత్రం ఆర్‌ఆర్‌ఆర్ అక్టోబర్ 13 న ప్రపంచ వ్యాప్తంగా విడుదల కాబోతుంది. ఈ చిత్రం ప్రమోషన్లను పెద్ద ఎత్తున ప్రారంభించాలని ఈ చిత్రం మేకర్స్ నిర్ణయించారు. ఈ చిత్రం నుండి మొదటి సాంగ్ ఆగస్టు 1 న రాబోతున్న విషయాన్నీ తాజా ప్రకటన ద్వారా తెలియజేశారు. ఈ ప్రత్యేక సాంగ్ స్నేహం కోసం ఉంటుందనీ తెలుస్తోంది. ఈ మొదటి సాంగ్ ను ఐదుగురు ప్రముఖ గాయకులు పాడుతున్నారు. కీరవానీ గారు ఈ పాటను స్వరపరిచారు. ఇది ప్రమోషనల్ వీడియో సాంగ్ కోసం చిత్రీకరించబడింది అని తెలుస్తుంది.ఈ సాంగ్ చిత్రంలో ప్రత్యేక ఆకర్షణ ఉంటుంది అని సమాచారం.