ఎన్టీఆర్ టీజర్ కోసం ముందుగా షూట్ చేయనున్నారా?

రాజమౌళి దర్శకత్వంలో ప్రతిష్టాత్మకంగా రూపొందుతున్న మల్టీ స్టారర్ చిత్రం ఆర్ఆర్ఆర్ సెట్స్ పైకి రానుంది అయితే ఎన్టీఆర్ తో షూట్ మొదలు పెడుతున్నారు అని ఊహాగానాలు వినిపిస్తున్నాయి. రాజమౌలి ముందుగా ఎన్టీఆర్ సన్నివేశాలను చిత్రీకరిస్తున్నారు అంటూ సోషల్ మీడియాలో వార్త వైరల్ అవుతుంది. అక్టోబర్ 5 న షూట్ ప్రారంభమవుతుందని, ఎన్‌టిఆర్ టీజర్‌కు సంబంధించిన సన్నివేశాలు మొదట చిత్రీకరించబడతాయని చర్చ. రామ్ చరణ్ పుట్టిన రోజు సందర్భంగా టీజర్ ను విడుదల చేసిన విషయం తెలిసిందే కానీ లాక్ డౌన్ కారణంగా ఎన్టీఆర్ పుట్టిన రోజున టీజర్ విడుదల కాలేదు. ఇప్పుడు, ఎన్టీఆర్ టీజర్ విడుదల కోసం ఈ భాగాన్ని మొదటగా షూట్ చెయ్యాలి అని రాజమౌలి భావించినట్లు తెలుస్తోంది. డివివి దానయ్య ఈ చిత్రాన్ని నిర్మిస్తున్నారు, ఇందులో అలియా భట్ మరియు అజయ్ దేవగన్ కూడా కీలక పాత్రల్లో నటిస్తున్నారు.