ఒకే రోజు రెండు షూటింగ్లో పాల్గొన పవర్ స్టార్ పవన్ కళ్యాణ్

పవర్ స్టార్ పవన్ కళ్యాణ్ లాక్ డౌన్ తర్వాత తను ఒప్పుకున్న సినిమాలను తొందరగా పూర్తి చేయాలని భావిస్తున్నారు అని తెలుస్తుంది. ఈ రోజు తన రెండు సినిమాలను బ్యాక్-టు-బ్యాక్ షూటింగ్ చేస్తూ టాలీవుడ్ సినీ క్రిటిక్స్ నీ అందరినీ ఆశ్చర్యపరిచాడు. ఈ ఉదయం, పవన్ మొదటగా హైదరాబాద్ శివార్లలో క్రిష్ దర్శకత్వంలో వస్తున్న తాత్కాలిక టైటిల్ హరిహర వీరమల్లు కోసం ఈరోజు షూటింగ్లో పాల్గొని తన పాత్రకు సంబంధించిన షూట్ పూర్తి చేసి తర్వాత అయ్యప్పనమ్ కోషియం రీమేక్ షూట్‌లో చేరడానికి సెరిలింగంపల్లిలోని అల్యూమినియం ఫ్యాక్టరీకి వెళ్లినట్లు సమాచారం. అదే విధంగా పవన్ తన జనసేన పార్టీ నాయకులతో కూడా సంభాషించారు అని తెలుస్తుంది. ఆంధ్రప్రదేశ్‌లో జరగబోయే మునిసిపల్ ఎన్నికలకు పార్టీ వ్యూహాన్ని చర్చించారు అని తెలుస్తుంది. పవర్ స్టార్ ప్రస్తుతం ఇంత బిజీ షెడ్యూల్స్ ఉంటూ తను ఒప్పుకున్న చిత్రాలను త్వరగా పూర్తి చేయాలని భావిస్తున్నారు.