వకీల్ సాబ్ చిత్ర షూట్ పూర్తి చేసిన పవన్ కళ్యాణ్

పవర్ స్టార్ పవన్ కళ్యాణ్ నటిస్తున్న వకీల్ సాబ్ చివరి షెడ్యూల్ షూటింగ్ గత కొన్ని వారాలుగా జరుగుతున్న విషయం అందరికీ తెలిసిందే. అయితే ఈ రోజు, మొత్తం షూట్లో పవన్ కళ్యాణ్ కి సంబందించి షూట్ మొత్తం పూర్తి అయ్యింది. ఈ రోజు సెట్స్‌లో ఈ చిత్ర బృందం అతనికి మంచి వీడ్కోలు ఇచ్చింది. చెక్స్ చొక్కా ధరించి, పవన్ తన చిత్ర బృందంతో ఉన్న ఫోటోలు సోషల్ మీడియాలో హల్ చల్ చేస్తున్నాయి. సెట్ నుండి బయలుదేరే ముందు పవన్ తన జట్టులోని ప్రతి సభ్యునికి వ్యక్తిగతంగా కృతజ్ఞతలు తెలిపారు అని సమాచారం. దిల్ రాజు, బోనీ కపూర్ నిర్మిస్తున్న ఈ చిత్రానికి వేణు శ్రీరామ్ దర్శకుడు. ఈ చిత్రంలో శ్రుతి హాసన్, నివేదా థామస్, అంజలి కీలక పాత్రలు పోషిస్తున్నారు.