ప్రముఖ సీనియర్ దర్శకుడు రామ్ గోపాల్ వర్మ ఇప్పుడు కొత్తగా స్పార్క్ అనే ఓటిటి ప్లాట్ ఫామ్ ను విడుదల చేస్తున్నారు. ముందు సంవత్సరం లాక్ డౌన్ సమయంలో ఆర్‌జీవీ వరల్డ్ థియేటర్‌ను ప్రారంభించి తెలుగు సినిమాలో కొత్త ధోరణిని సృష్టించారు. ఇప్పుడు స్పార్క్ అనే ఓటిటి ప్లాట్‌ఫామ్‌ను ప్రారంభించడానికి సిద్ధం అయ్యారు. టాలీవుడ్ ప్రముఖులు ఆయనికి శుభాకాంక్షలు తెలుపుతూ మే 15న స్పార్క్ యాప్ డౌన్లోడ్ చేసుకోమని కోరారు. యువ పారిశ్రామికవేత్త సాగర్ మచానురుతో కలిసి ఆర్జివి ఈ ఒటిటిని ప్రారంభించనున్నారు. మే 15 న ఈ స్పార్క్ ఓటిటి లో ఆర్జివి దర్శకత్వంలో తెరకెక్కిన దావూద్ ఇబ్రహీం రియల్ స్టోరీ డి కంపెనీ చిత్రం విడుదల కాబోతుంది.
