ఎంఎస్ రాజు దర్శకత్వంలో మరో చిత్రం “7 డేస్ 6 నైట్స్”

ప్రముఖ చిత్రనిర్మాత ఎంఎస్ రాజు గారు డర్టీ హరి చిత్రంతో దర్శకుడిగా మారి మంచి విజయాన్ని అందుకున్నారు. ఇప్పుడు మరో చిత్రానికి శ్రీకారం చుట్టారు. 7 డేస్ 6 నైట్స్ పేరుతో ఉన్న ఈ చిత్రంలో రొమాన్స్, కామెడీ మరియు ఎమోషన్స్ వంటి అంశాలు ఉన్నాయి అని ఓ మీడియా సమావేశంలో మాట్లాడారు. ఈ చిత్రం షూటింగ్ జూన్ 21 న హైదరాబాద్‌లో ప్రారంభమైంది, ప్రస్తుతం షూటింగ్ పూర్తి స్థాయిలో జరుగుతోంది. ఈ షెడ్యూల్ జూలై 10 వరకు ఉంటుంది అని సమాచారం ఆ తరువాత జూలై 15 న గోవాకు వెళతారు అని తెలుస్తుంది. మంగుళూరు, ఉడిపి, అండమాన్ మరియు నికోబార్ దీవులలో మరికొన్ని కీలకమైన షెడ్యూల్స్ దాదాపు ఒక నెల పాటు ఉంటాయి అని తెలుస్తుంది. ఇంకా నటి నటుల గురించి ఇటువంటి అధికారిక ప్రకటన అయితే లేదు త్వరలోనే ఈ వివరాలు తెలియనున్నాయి. సెప్టెంబరు రెండో వారంలో సినిమా విడుదల చేయడానికి సన్నాహాలు చేస్తున్నారు ఈ చిత్ర నిర్మాత సుమంత్‌ అశ్విన్‌. ఈ చిత్రానికి సంగీతం సమర్థ్‌ గొల్లపూడి అందిస్తున్నారు. ఛాయాగ్రహణం నాని చమిడి శెట్టి చేస్తున్నారు.