కృష్ణ అండ్ హిజ్ లీలా చిత్రం ఇటీవల ఓటిటి లో విడుదల అయ్యి మంచి విజయాన్ని అందుకుంది. ఇందులో మంచి నటనతో కనిపించిన యువ నటి షాలిని వద్నికట్టి , తన చిరకాల ప్రియుడు మనోజ్ బీదాతో వివాహం చేసుకున్నారు. మనోజ్ 2018 థ్రిల్లర్ వంజాగర్ ఉలాగం తమిళ చిత్రానికి దర్శకత్వం చేసారు.
షాలిని-మనోజ్ వివాహం చెన్నైలోని వరుడి నివాసంలో జరిగింది. నూతన వధూవరులను ఆశీర్వదించడానికి కొద్దిమంది సన్నిహితులు మరియు కుటుంబ సభ్యులు మాత్రమే హాజరయ్యారు. భానుమతి రామకృష్ణ, యురేకా, వెబ్-సిరీస్ నేను మీ కళ్యాణ్ మరియు తమిళ చిత్రం వెల్లయ్య ఇరుకిరవన్ పోయి సోల్లా మాటన్ వంటి చిత్రాలలో షాలిని ముఖ్యమైన పాత్రలు పోషించింది.